Plane Rules : પાયલોટને ક્યારેય પ્લેનમાં પરફ્યુમ લગાવીને જવાની પરવાનગી નથી હોતી, જાણો શું છે કારણ
જ્યારે કોઈ વ્યક્તિ કામ માટે બહાર જાય છે, ત્યારે તે પરફ્યુમ લગાવીને જતો હોય છે, પરંતુ મુસાફરી દરમિયાન તમે ક્યારેય પાઇલટ્સ કે એરહોસ્ટેસ પાસેથી પરફ્યુમ લગાવીને આવ્યાનો અહેસાસ નહીં કરી શકો! તેની પાછળ એક ચોક્કસ કારણ રહેલુ છે. અમે તમને જણાવીશું કે તેનું ચોક્કસ કારણ શું છે.
આ નિયમ શા માટે છે? : પાયલોટ્સ કે એરહોસ્ટેસ હવાઈ મુસાફરી દરમિયાન પરફ્યુમ લગાવી શકતા નથી. કેમ કે હવાઈ મુસાફરી સલામતીના દૃષ્ટિકોણથી ખૂબ જ મહત્વપૂર્ણ છે. પાઇલટ્સે હંમેશા સંપૂર્ણપણે સતર્ક રહેવું પડે છે. તીવ્ર ગંધ તેમનું ધ્યાન ભટકાવી શકે છે અને તે હવાઈ મુસાફરી માટે જોખમી બની શકે છે.
આ ઉપરાંત ઘણા લોકોને તીવ્ર સુગંધથી એલર્જી હોય છે. જો પાઇલટ અથવા અન્ય કોઈ ક્રૂ મેમ્બર તીવ્ર પરફ્યુમ લગાવીને આવે છે, તો અન્ય ક્રૂ મેમ્બર્સ અથવા મુસાફરોને શ્વાસ લેવામાં તકલીફ થઈ શકે છે. કેટલાક મુસાફરોને તીવ્ર સુગંધથી તકલીફ થાય છે. જો પાઇલટ અથવા ક્રૂ મેમ્બર તીવ્ર પરફ્યુમ લગાવીને આવે છે, તો મુસાફરોને પણ અસુવિધાનો સામનો કરવો પડી શકે છે.
તમને જણાવી દઈએ કે ફક્ત પરફ્યુમ જ નહીં પરંતુ પાઇલટ્સ અને ક્રૂ મેમ્બર્સ માટે ફ્લાઇટ દરમિયાન ઘણી વસ્તુઓનો ઉપયોગ કરવાની મનાઈ છે. જેમ કે માઉથવોશ, ટૂથપેસ્ટ અને અન્ય સુગંધિત પદાર્થો. વાસ્તવમાં આ વસ્તુઓમાં આલ્કોહોલ પણ હોય છે જે બ્રેથ પરીક્ષણને અસર કરી શકે છે.
DGCA નિયમ : ભારતમાં ડિરેક્ટોરેટ જનરલ ઓફ સિવિલ એવિએશન (DGCA) એ પાઇલટ્સ અને ક્રૂ મેમ્બર્સ માટે પરફ્યુમના ઉપયોગ પર પ્રતિબંધ મૂકવાનો પ્રસ્તાવ મૂક્યો છે. આ પ્રસ્તાવ મુજબ, પાઇલટ્સ અને ક્રૂ મેમ્બર્સ ફ્લાઇટ દરમિયાન ટૂથપેસ્ટ, માઉથવોશ, પરફ્યુમ અથવા આલ્કોહોલ ધરાવતી કોઈપણ પ્રોડક્ટનો ઉપયોગ કરી શકશે નહીં.
આ નિયમના ફાયદા શું છે? : આ નિયમ ફ્લાઇટ સલામતી સુનિશ્ચિત કરવામાં મદદ કરે છે. ઉપરાંત, મુસાફરોને સુખદ મુસાફરીનો અનુભવ મળે છે અને ક્રૂ મેમ્બર્સ એલર્જી અને અન્ય સ્વાસ્થ્ય સમસ્યાઓથી સુરક્ષિત રહી શકે છે.
