PHOTOS: તાઈવાનમાં ભીષણ ભૂકંપ, જાપાનમાં વિનાશકારી તોફાન, સુનામીનું એલર્ટ
તાઈવાનમાં ભૂકંપના કારણે તબાહી મચી ગઈ છે, જ્યારે જાપાનમાં વિનાશક તોફાનનો ખતરો તોડાઇ રહ્યો છે, નાનમાડોલ નામના વિનાશક તોફાનની આગાહી કરાઈ છે.
ભૂકંપના કારણે એક સ્ટેશન પર પેસેન્જર ટ્રેનના કેટલાક ડબ્બા પણ પાટા પરથી ઉતરી ગયા હતા. ફૂલી શહેરના ડોંગલી સ્ટેશન પર ધરતીકંપના કેન્દ્રની વચ્ચે પ્લેટફોર્મની ટોચ પર બનેલી છત્રી પડી જતાં ત્યાં પાર્ક કરેલી ટ્રેનના ત્રણ ડબ્બા એક તરફ નમ્યા હતા.
બીજી તરફ જાપાનમાં મહાવિનાશક તોફાન 'નાનામાડોલ'ની શક્યતા છે આ વાવાઝોડું આજે જાપાનના દક્ષિણપશ્ચિમ ટાપુઓમાંના એક દક્ષિણ ક્યૂશુમાં ત્રાટકે તેવી સંભાવના છે. આ વાવાઝોડાથી ઘણું નુકસાન થઈ શકે છે. વિસ્તારના લાખો લોકોને તેમના ઘર ખાલી કરવા માટે કહેવામાં આવ્યું છે.
શક્તિશાળી વાવાઝોડાને કારણે રવિવારે દક્ષિણ જાપાનના પ્રદેશમાં ભારે પવન અને વરસાદ થયો હતો, જેના કારણે વીજકાપ થયો હતો, જમીન અને હવાઈ ટ્રાફિકમાં વિક્ષેપ પડ્યો હતો અને હજારો લોકોને સુરક્ષિત સ્થાનો પર પહોંચાડ્યા હતા. જાપાનની હવામાન એજન્સીએ જણાવ્યું હતું કે દક્ષિણ યાકુશિમા ટાપુ પાસે 'નાનામાડોલ' વાવાઝોડાની સાથે 162 કિલોમીટર પ્રતિ કલાકની ઝડપે પવન ફૂંકાયો હતો. આ વાવાઝોડું મંગળવારે ટોક્યો પહોંચે તેવી શક્યતા છે.
હવામાન એજન્સીએ સોમવારે અડધા દિવસ સુધી 50 સે.મી વરસાદની આગાહી કરી છે અને પૂર અને ભૂસ્ખલનની ચેતવણી આપી છે. તેમણે ભારે પવન અને પૂરથી પ્રભાવિત વિસ્તારોના લોકોને ચેતવણી આપી અને તેમને વહેલી તકે સુરક્ષિત સ્થળોએ ખસી જવા વિનંતી કરી.
