Paloma Dhillon Bollywood Debut: પૂનમ ઢિલ્લોનની પુત્રી પલોમાની બોલીવુડમાં એન્ટ્રી, ડેબ્યુ ફિલ્મમાં રાજવીર દેઓલ સાથે કરશે ઈશ્ક
રાજશ્રી પ્રોડક્શન્સે રાજવીર દેઓલ (Rajveer Deol) સાથેની તેની આગામી ફિલ્મ માટે મુખ્ય ભૂમિકામાં અભિનેત્રી પાલોમા ઢિલ્લોનને (Paloma Dhillon) કાસ્ટ કરવા માટે સાઈન કરી છે.
રાજશ્રી પ્રોડક્શન્સે રાજવીર દેઓલ સાથેની તેની આગામી ફિલ્મ માટે મુખ્ય ભૂમિકામાં અભિનેત્રી પાલોમા ઢિલ્લોનને કાસ્ટ કરવા માટે સાઈન કરી છે. તમને જણાવી દઈએ કે આ ફિલ્મ પ્રતિષ્ઠિત ફિલ્મ નિર્માતા સૂરજ બડજાત્યાના પુત્ર અવનીશ એસ દ્વારા નિર્દેશિત છે. બડજાત્યા દ્વારા નિર્દેશિત આ પહેલી ફિલ્મ હશે.
હજુ સુધી આ ફિલ્મનું ટાઈટલ જાહેર કરવામાં આવ્યું નથી. આ ફિલ્મ રાજશ્રીની 59મી ફિલ્મ હશે અને તેનું શૂટિંગ જુલાઈ 2022માં મુંબઈમાં શરૂ થશે.
રાજશ્રી ફિલ્મ્સ સદાબહાર અભિનેત્રી પૂનમ ઢિલ્લોન અને જાણીતા નિર્માતા અશોક ઠાકરિયાની પુત્રી પલોમાને મુખ્ય ભૂમિકાઓ માટે કાસ્ટ કરીને ખુશ છે. આ ફિલ્મ આધુનિક સમયની લવ સ્ટોરી હશે જે એક ગ્રાન્ડ ડેસ્ટિનેશન વેડિંગ દરમિયાન ચમકશે.
ફિલ્મના દિગ્દર્શક અવનીશ કહે છે, “પાલોમા એક અદ્ભુત કલાકાર છે અને પડદા પર તેની જબરદસ્ત હાજરી છે. તે મારા પાત્ર માટે એકદમ ફિટ છે. પલોમા અને રાજવીર સ્ક્રીન પર એકસાથે શાનદાર કેમેસ્ટ્રી શેર કરે છે. તેઓ બંને તેમની ભૂમિકાઓમાં સહેલાઈથી ભળી જાય છે."
આ ફિલ્મમાં પ્રેમ સંબંધો, તેમની જટિલતા અને સરળતાની વાર્તા દર્શાવવામાં આવશે. રાજશ્રી ફિલ્મ્સ હંમેશા નવી પ્રતિભાઓને તક આપવા માટે જાણીતી છે. પોતાના 75 વર્ષના વારસામાં રાજશ્રીએ આજ સુધી ઘણા જાણીતા સ્ટાર્સને સફળ બ્રેક આપ્યા છે. અવનીશની ફિલ્મમાં રાજવીર અને પાલોમા અભિનીત હોવાથી આ વારસો આગળ ધપાવવામાં આવશે.