આ Electric Bike આપે છે 175 કિમીની રેન્જ, કિંમત છે 90 હજારથી પણ ઓછી
જે લોકો રોજિંદા ઉપયોગ માટે બાઇક ખરીદવા માગે છે અને પેટ્રોલના ખર્ચથી બચવા માગે છે, તો આ ઇલેક્ટ્રિક બાઇક એક સારો વિકલ્પ સાબિત થઈ શકે છે. આ બાઇક સિંગલ ચાર્જમાં 175 kmની રેન્જ અને 95 kmph ટોપ સ્પીડ આપે છે. ત્યારે આ લેખમાં જાણીશું કે, આ બાઇકમાં અન્ય કયા ફીચર્સ મળી રહ્યા છે.
જે લોકો રોજિંદા ઉપયોગ માટે બાઇક ખરીદવા માગે છે અને પેટ્રોલના ખર્ચથી બચવા માગે છે, તો Oben Electric Rorr EZ ઇલેક્ટ્રિક બાઇક એક સારો વિકલ્પ સાબિત થઈ શકે છે. આ બાઇક સિંગલ ચાર્જમાં 175 kmની રેન્જ અને 95 kmph ટોપ સ્પીડ આપે છે.
કંપનીના દાવા મુજબ, બાઇકનું ટોપ મોડલ ફુલ ચાર્જમાં 175 કિલોમીટર સુધીની રેન્જ આપે છે. આ બાઇકને વારંવાર ચાર્જ કરવાની જરૂર નહીં પડે, એકવાર ચાર્જ કર્યા પછી તે લાંબા સમય સુધી ચાલી શકે છે.
બાઇકની ટોપ સ્પીડ 95 કિલોમીટર પ્રતિ કલાક છે, તે 3.3 સેકન્ડમાં 0-40 કિલોમીટરની ઝડપ પકડી શકે છે. એટલું જ નહીં, આ બાઇકમાં તમને ફાસ્ટ ચાર્જિંગ સપોર્ટ પણ મળી રહ્યો છે. તેને 45 મિનિટમાં 80 ટકા સુધી ચાર્જ કરી શકાય છે.
આ ઇલેક્ટ્રિક બાઇકમાં તમને 3 રાઇડિંગ મોડ્સ મળી રહ્યા છે. જેના કારણે રાઇડ ક્વોલિટી સુધરે છે અને તમને રાઇડિંગ અનુભવ પણ સારો થાય છે. તમને આ બાઇક 4 કલર ઓપ્શનમાં મળી રહી છે જેમાંથી તમે તમારો મનપસંદ કલર પસંદ કરી શકો છો. તેમાં ઇલેક્ટ્રો એમ્બર, સર્જ સાયન, લ્યુમિના ગ્રીન અને ફોટોન વ્હાઇટ કલરનો સમાવેશ થાય છે.
આ બાઇક ARX ફ્રેમવર્ક પર ડિઝાઇન કરવામાં આવી છે અને તેની ડિઝાઇન નિયો-ક્લાસિક છે. યુવાનોને આ બાઇક ખૂબ જ પસંદ છે. તેનો લુક વર્તમાન ટ્રેન્ડ અને માંગને ધ્યાનમાં રાખીને તૈયાર કરવામાં આવ્યો છે.
ઈલેક્ટ્રિક બાઈક બજારમાં અલગ-અલગ વેરિએન્ટમાં ઉપલબ્ધ છે. તેના 2.6 kWh વેરિઅન્ટની કિંમત વિશે વાત કરીએ તો તેની એક્સ-શોરૂમ કિંમત 89,999 રૂપિયા છે. જ્યારે તેના 3.4 kWh વેરિઅન્ટની એક્સ-શોરૂમ કિંમત રૂ. 99,999 છે અને તેના 4.4 kWh વેરિઅન્ટની એક્સ-શોરૂમ કિંમત રૂ. 1,09,999 છે.