TMKOC: તારક મહેતા..શોમાંથી રિટાયમેન્ટ લેવા માંગે છે હવે આ કલાકાર, જાણો શું કહ્યું?
તારક મહેતા શોના આ કલાકારે હવે શોમાંથી નિવૃતિ લેવા અંગે વાત કરી છે પહેલાથી જ આ શોમાંથી દીશા વાકાણી એટલે કે દયા નીકળી ગયા છે હવે આ એક્ટરના શોમાંથી નિવૃતિ લેવા અંગેની વાતથી લોકો ચોંકી ગયા છે.
મયૂરે રિટાયમેન્ટ અંગે વાત કરતા કહ્યું કે 'લોકો સુંદરને પસંદ કરે છે, જાણે તે વાસ્તવિક આત્મા બની ગઈ હોય. ગીતામાં લખ્યું છે કે, આત્મા શરીરને બદલી નાખે છે. તેવી જ રીતે, હવે સુંદરનું પાત્ર પણ આત્મા બની ગયું છે. જો એક દિવસ હું અહીં ન હોઉં અને કોઈ અન્ય અભિનેતા સુંદરની ભૂમિકા ભજવે, તો પણ પાત્ર એ જ રહેશે.
જો ભગવાન ઈચ્છે, તો હું સુંદર તરીકે નિવૃત્તિ લેવા માંગુ છું. ભગવાન જે કંઈ કરે છે, હું તેના માટે આભારી છું.' આ ઉપરાંત, તેમણે કહ્યું, 'જ્યારે મને પહેલીવાર આ ભૂમિકા મળી, ત્યારે મને શંકા હતી કે હું તે સારી રીતે કરી શકીશ કે નહીં.
મયુરે કહ્યું કે તે બાળપણથી જ તારક મહેતા વાંચીને મોટા થયા છે. નાની નાની વિગતો પણ તેમાં સુંદર રીતે કેદ કરવામાં આવી છે. જેમ કે જેઠાલાલનો ગુસ્સો અને ઘણુ બધુ. આ અંગે સુંદર ક્યારે રિટાયરમેન્ટ લેશે તે અંગે કોઈ સ્પષ્ટતા કરી નથી પણ તે રિટાયર થવા માંગે છે એ આ વાત પરથી જાણી શકાય છે.
