Mutual fund investment: દર મહિને જમા કરો 5000, મેચ્યોરિટી પર મળશે 2.75 કરોડ! સરળ છે રોકાણની આ પદ્ધતિ, લાખો લોકોએ કર્યું રોકાણ
થોડા હજારની બચત કરીને કરોડો ભેગા કરવાની વાત કરશો તો તમને સ્વપ્ન જેવું લાગશે. પરંતુ, મ્યુચ્યુઅલ ફંડની કેટલીક એવી યોજનાઓ છે, જે તમારા સપનાને સાકાર કરી શકે છે અને માત્ર 5 હજારની બચત કરીને કરોડોનું ફંડ બનાવી શકે છે.
બચત અને રોકાણને લઈને લોકોના વલણમાં મોટો બદલાવ આવ્યો છે, તેથી હવે કરોડો લોકો સારા વળતર માટે પરંપરાગત બચત યોજના સિવાય ઈક્વિટી માર્કેટ અને મ્યુચ્યુઅલ ફંડમાં રોકાણ કરી રહ્યા છે. સામાન્ય રીતે, મ્યુચ્યુઅલ ફંડમાં ઉપલબ્ધ વળતર બેંકની બચત યોજનાઓ કરતા વધારે હોય છે. જો કે, આ વળતર બજારના જોખમને આધીન રહે છે.
તમે ઘણીવાર લોકોને એવું કહેતા સાંભળ્યા હશે કે મ્યુચ્યુઅલ ફંડમાં રોકાણ કરીને તેમને સારું વળતર મળ્યું છે. હવે સવાલ એ ઊભો થાય છે કે શું તમે મ્યુચ્યુઅલ ફંડની મદદથી ભવિષ્ય માટે જંગી ભંડોળ પણ એકત્રિત કરી શકો છો? હા, તમે આ કરી શકો છો પરંતુ આ માટે તમારે પ્લાનિંગ સાથે મ્યુચ્યુઅલ ફંડમાં રોકાણ કરવું પડશે.
એસોસિએશન ઑફ મ્યુચ્યુઅલ ફંડ્સ ઇન ઇન્ડિયાની વેબસાઇટ પર ઉપલબ્ધ SIP કેલ્ક્યુલેટર મુજબ, SIPમાં દર મહિને રૂ. 5,000નું રોકાણ કરવાથી તમને વાર્ષિક 14%ના સંભવિત વળતરના આધારે 30 વર્ષ પછી 2.5 કરોડ સુધીનું વળતર મળશે, જ્યારે આ સમયગાળા દરમિયાન આમાં તમે માત્ર 18 લાખ રૂપિયા જમા કરાવશો. જો કે, આ સંપૂર્ણ રીતે સંભવિત વળતર છે, કારણ કે તે બજારના જોખમને આધીન છે
નોંધ: મ્યુચ્યુઅલ ફંડમાં રોકાણ બજારના જોખમને આધીન છે તેથી રોકાણ કરતા પહેલા નાણાકીય સલાહકારની મદદ લેવી જોઈએ. વળતર સંબંધિત અહીં આપેલા આંકડા માત્ર માહિતી માટે છે અને સંભવિત વળતરને પ્રતિબિંબિત કરે છે. નિષ્ણાતની મદદ વિના રોકાણ નુકસાનકારક સાબિત થઈ શકે છે.