આ 6 એરબેગવાળી કારમાં તમારો પરિવાર રહેશે સલામત, કિંમત માત્ર આટલી
કેન્દ્ર સરકાર દ્વારા કાર કંપનીઓને સંદેશ આપવામાં આવ્યો છે કે ભારતમાં વેંચાનારી તમામ કારોમાં ઓછામાં ઓછી 6 એરબેગ હોવી જરુરી છે. કારમાં હવે ડિઝાઈનની સાથે સેફ્ટી પણ જરુરી બની છે. ચાલો જાણીએ 6 એરબેગ વાળી કારની લિસ્ટ અને તેમની કિંમત.
ટાટા નેક્સન ઈવીની કિંમત 14.74 લાખથી શરુ થાય છે. શો રુમમાં આ કાર 19.94 લાખ રુપિયા સુધી જાય છે. સુરક્ષા માટે આ કારમાં 6 એરબેગ, બ્લાઈન્ડ વ્યૂ મોનિટરિંગ સિસ્ટમ અને 360 ડિગ્રી કેમેરા જેવા ફીચર્સ છે. આ ઈલેક્ટ્રિક કારમાં વાયરલેસ ચાર્જિગ અને સિંગલ પેન સનરુફ જેવા ફીચર્સ પણ આપવામાં આવ્યા છે.
હુંડઈ વેન્યૂની કિંમત 7.89 લાખ રુપિયાથી શરુ થાય છે. શો રુમમાં આ કાર 13.48 લાખ રુપિયામાં વેંચાતી હોય છે. આ કારમાં ત્રણ એન્જિનના ઓપ્શન છે. પેસેન્જરની સેફ્ટી માટે તેમાં 6 એરબેગ્સ, ટાયર પ્રેશર મોનિટરિંગ સિસ્ટમ, રિવર્સ કેમેરા, રિયર પાર્કિગ સેન્સર જેવા ફીચર્સ આપવામાં આવ્યા છે.
હુંડઈની i20 એક્સ-શોરુમની કિંમત 6.99 લાખ રુપિયાથી શરુ થાય છે અને તેની કિંમત 11.16 લાખ રુપિયા સુધી જાય છે. પરફોર્મેન્સ વેરિએન્ટ i20 n લાઈનની એક્સ શોરુમ કિંમત 9.99 લાખ રુપિયાથી શરુ થાય છે અને 12.47 લાખ રુપિયા સુધી જાય છે. આ કારમાં 35 સેફ્ટી ફીચર્સ સ્ટેડર્ડ મળે છે જેમાં 6 એરબેગનો સમાવેશ થાય છે.
6 લાખથી 10.15 લાખ રુપિયા સુધીની હુંડાઈ એક્સટરને જુલાઈ 2023માં લોન્ચ કરવામાં આવી હતી. આ હુંડાઈ કારમાં 1.2 લીટર નેચુરલી એસ્પિરેટેડ પેટ્રોલ એન્જિન આપવામાં આવ્યું છે. સુરક્ષા માટે આ કારમાં 6 એરબેગ, ઈબીડી સાથે એબીએસ અને 3 પોઈન્ટ સીટબેલ્ટ જેવા ફીચર્સ આપવામાં આવ્યા છે.
હુંડઈ ઓરાની કિંમત 6.44 લાખ રુપિયાથી શરુ થઈ 9 લાખ રુપિયા સુધી પહોંચે છે. ઓરામાં 1.2 લીટર પેટ્રોલ ઈન્જિન આપવામાં આવ્યું છે જે 83 પીએસ પાવર અને 114 એનએમનો ટાર્ક જનરેટ કરે છે. પેસેન્જરની સુરક્ષા માટે તેમાં 6 એરબેગ સહિતના ફીચર્સ આપવામાં આવ્યા છે.
Published On - 6:32 pm, Sun, 19 November 23