એક સમયે સુસાઈડ કરી લેવાના હતા મિથુન ચક્રવર્તી, ગરીબી અને સંઘર્ષે બતાવ્યા હતા અત્યંત ખરાબ દિવસો- કેવી રીતે બદલાઈ પરિસ્થિતિ- વાંચો
બોલિવૂડના લિજેન્ડ એક્ટર મિથુન ચક્રવર્તીને આજે કોઈ ઓળખના મોહતાજ નથી. તેઓ હિન્દી સિનેમાનું એક મોટું નામ છે. બોલિવૂડ સ્ટાર બનતા પહેલા મિથુને ઘણી મુશ્કેલીઓનો સામનો કરવો પડ્યો હતો. તેણે 350 ફિલ્મોમાં કામ કર્યું છે. હિન્દી સિનેમામાં તેમના યોગદાનને ધ્યાનમાં રાખીને અભિનેતાને દાદાસાહેબ ફાળકે એવોર્ડ આપવાનો પણ નિર્ણય કરાયો છે.
બોલિવૂડના લિજેન્ડ એક્ટર મિથુન ચક્રવર્તીને આજે કોઈ ઓળખના મોહતાજ નથી. તેઓ હિન્દી સિનેમાનું એક મોટું નામ છે. બોલિવૂડ સ્ટાર બનતા પહેલા મિથુને ઘણી મુશ્કેલીઓનો સામનો કરવો પડ્યો હતો. તેણે 350 ફિલ્મોમાં કામ કર્યું છે. હિન્દી સિનેમામાં તેમના યોગદાનને ધ્યાનમાં રાખીને અભિનેતાને દાદાસાહેબ ફાળકે એવોર્ડ આપવાનો પણ નિર્ણય કરાયો છે.
પરંતુ આ સ્થાન સુધી પહોંચવા માટે અભિનેતાને ઘણી સમસ્યાઓમાંથી પસાર થવું પડ્યું હતું. મહિનાઓ સુધી કામ ન મળ્યું, ભૂખ્યા રહ્યા, ફૂટપાથ પર રાતો વિતાવી. દેખાવ વિશે ટોણા સાંભળ્યા. આ બધાનો સામનો કર્યા પછી એક તબક્કે મિથુનની હિંમત તૂટી ગઈ હતી.
તે આત્મહત્યા કરવા માંગતા હતા. મુંબઈમાં સેટલ નહોંતા થઈ શક્તા અને કોઈ કારણોસર કોલકાતા પાછા પણ જઈ શક્તા ન હતા. આજે તે કહે છે કે કોઈપણ વ્યક્તિએ ખરાબ પરિસ્થિતિઓ સામે લડ્યા વિના જીવનનો અંત ન લાવવો જોઈએ
મિથુન જ્યારે કામની શોધમાં મુંબઈ પહોંચ્યા તો મહિનાઓ સુધી તેને કોઈ કામ ન મળ્યુ.બે ટંકના જમવાના પણ ફાંફા હતા. એક ઈન્ટરવ્યુમાં અભિનેતાએ કહ્યું હતું - "મેં એવા દિવસો પણ જોયા છે જ્યારે મને ખબર ન હતી કે આગળનું ભોજન શું હશે, હું ક્યાં સૂઈશ, હું ઘણા દિવસો સુધી ફૂટપાથ પર સૂતેલો છુ."
મિથુને કહ્યું હતું કે તેને તેના દેખાવ અને ડાર્ક સ્કિનને કારણે ઘણી વખત રિજેક્શનનો સામનો કરવો પડ્યો હતો. તેને અપમાનિત કરવામાં આવ્યા હતા. તેમની પાસે મુંબઈમાં રહેવા માટે ઘર ન હતું. એક સમય એવો આવ્યો જ્યારે તે ઈમારતોની છત પર અને પાણીની ટાંકીઓમાં સૂવુ પડતુ હતુ.
મિથુન રિયાલિટી શો 'હુનરબાઝ'માં પોતાની જર્નીનું વર્ણન કરતી વખતે ઘણા ભાવુક થઈ ગયા હતા. તેણે ટીવી શોમાં કહ્યું હતું કે તે એક સમયે પાર્ટીઓમાં ડાન્સ કરીને પેટ ભરતા હતા. જેથી એક ટંકનું ભોજન મળી શકે. પૈસા બચાવવા બધે જ ચાલીને જતા હતા.
મહિનાઓ સુધી બેરોજગાર રહ્યા બાદ મિથુનને હેલનનો આસિસ્ટન્ટ બનવાની તક મળી. કારકિર્દીની શરૂઆતના સમયમાં તેઓ ફિલ્મોમાં નાના-નાના રોલ કરતા હતા. મિથુને અમિતાભ સાથે ફિલ્મ 'દો અંજાને'માં નાનકડો રોલ કર્યો હતો.
તેમને તેમની પ્રથમ ફિલ્મ 'મૃગયા' માટે શ્રેષ્ઠ અભિનેતાનો રાષ્ટ્રીય પુરસ્કાર મળ્યો હતો. ધીમે-ધીમે તેની કરિયરે રફ્તાર પકડી. ફિલ્મ 'ડિસ્કો ડાન્સર'એ મિથુનના કરિયરને એટલી મોટી ઉડાન આપી કે તેમણે એ બાદ પછી ક્યારેય પાછુ વળીને જોયુ નથી.
તેમની હિટ ફિલ્મોમાં 'સુરક્ષા', 'પ્રેમ વિવાહ', 'હમસે બઢકર કૌન', 'શાનદાર', 'ત્રિનેત્ર', 'અગ્નિપથ', 'તહાદેર કથા', 'સ્વામી વિવેકાનંદ', 'એલાન', 'ડિસ્કો ડાન્સર', 'ટેક્સી ચોર', 'ધ કાશ્મીર ફાઇલ્સ' સામેલ છે. 74 વર્ષની ઉંમરે પણ તે શોબિઝમાં સક્રિય રીતે કામ કરી રહ્યા છે.