21 વર્ષની નંદિની ગુપ્તાએ ભારતને અપાવ્યું ગૌરવ, Miss India બન્યા બાદ Miss World 2025 ટોપ મોડેલ ચેલેન્જની વિજેતા બની, જુઓ Photos
21 વર્ષીય મિસ ઈન્ડિયા નંદિની ગુપ્તાએ મિસ વર્લ્ડ 2025 ટોપ મોડેલ ચેલેન્જમાં એશિયા અને ઓશનિયા ક્ષેત્રની વિજેતા બનીને દેશનું ગૌરવ વધાર્યું છે. આ શાનદાર ફેશન ઇવેન્ટ શનિવારે સાંજે હૈદરાબાદની ટ્રાઇડેન્ટ હોટેલમાં યોજાઈ હતી, જેમાં વિશ્વભરના 108 દેશોના સ્પર્ધકોએ ભાગ લીધો હતો.
આ ઇવેન્ટની શરૂઆતમાં, દરેક દેશમાંથી બે ફાઇનલિસ્ટને શોર્ટલિસ્ટ કરવામાં આવ્યા હતા. આફ્રિકામાંથી, મિસ કોટે ડી'વોર ફાતૌમાતા કુલિબેલી અને મિસ નામિબિયા સેલમા કામન્યા પસંદ કરવામાં આવી હતી. અમેરિકા અને કેરેબિયનમાંથી, મિસ માર્ટિનિક ઓરેલી જોઆચિમ અને મિસ વેનેઝુએલા વેલેરિયા કેનાવો ફાઇનલમાં પહોંચ્યા. એશિયા અને ઓશનિયામાંથી નંદિની ગુપ્તા અને ન્યુઝીલેન્ડની સામન્થા પૂલે આ કાર્યક્રમમાં સ્થાન મેળવ્યું હતું, જ્યારે યુરોપમાંથી મિસ બેલ્જિયમ કરેન જેન્સેન અને મિસ આયર્લેન્ડ જાસ્મીન ગેરહાર્ટની પસંદગી કરવામાં આવી હતી. છેલ્લા રાઉન્ડમાં, બધા આઠ સ્પર્ધકોએ ફરીથી રેમ્પ વોક કર્યું.
જ્યાં દરેક દેશમાંથી એક ટોચના મોડેલને વિજેતા જાહેર કરવામાં આવ્યા હતા, જેમાં નંદિની ગુપ્તાનું નામ પણ સામેલ હતું. ૧૨ સપ્ટેમ્બર, ૨૦૦૩ના રોજ જન્મેલી નંદિની રાજસ્થાનના કોટાની રહેવાસી છે. તેમણે સેન્ટ પોલ સ્કૂલમાં અભ્યાસ કર્યો અને પછી મુંબઈની લાલા લાજપત રાય કોલેજમાંથી બિઝનેસ મેનેજમેન્ટમાં ડિગ્રી મેળવી. નંદિનીને શરૂઆતથી જ મોડેલિંગનો શોખ હતો અને તેણે 2023માં મિસ ઈન્ડિયાનો ખિતાબ જીત્યો હતો. આ પછી, તેણે ભારત વતી મિસ વર્લ્ડ 2025 માં ભાગ લીધો અને ટોપ મોડેલ ચેલેન્જ જીતીને દેશનું નામ રોશન કર્યું.
Published On - 3:54 pm, Sun, 25 May 25
