Maria Sharapova: પ્રેગ્નન્ટ હોવાની માહિતી આપી, શેયર કર્યો બેબી બમ્પનો ફોટો
મારિયા શારાપોવા ગર્ભવતી છે. તે પહેલીવાર માતા બનવા જઈ રહી છે. મારિયા શારાપોવા મંગેતર એલેક્ઝાન્ડ્રે ગિક્સ સાથે સંબંધમાં છે. ભૂતપૂર્વ રશિયન ટેનિસ ખેલાડીએ તેના 35માં જન્મદિવસ પર સોશિયલ મીડિયા દ્વારા પ્રેગ્નન્ટ વિશે માહિતી આપી હતી.
મારિયા શારાપોવાએ તેના બેબી બમ્પ સાથે સમુદ્ર કિનારે ચાલતી હોવાનો ફોટો પોસ્ટ કર્યો હતો. સાથે તેઓએ લખ્યું, 'અમૂલ્ય શરૂઆત. બે લોકો જેટલી બર્થડે કેક ખાવી એ મારી વિશેષતા રહી છે.
મારિયા શારાપોવા અને એલેક્ઝાન્ડર 2018 થી ડેટ કરી રહ્યા છે. ડિસેમ્બર 2020 માં, એલેક્ઝાંડરે મારિયાને પ્રપોઝ કર્યું. આ દરમિયાન તેણે ત્રણ લાખ પાઉન્ડની કિંમતની હીરાની વીંટી આપી હતી. મારિયા શારાપોવાએ પણ ઈન્સ્ટાગ્રામ દ્વારા સગાઈની માહિતી આપી હતી.
મારિયા શારાપોવાની મંગેતર એલેક્ઝાન્ડર એક બિઝનેસમેન છે. તેઓ આર્ટ ડિલિંગનું કામ કરે છે. જો કે બંનેના લગ્નની તારીખ હજુ નક્કી કરવામાં આવી નથી. મારિયા શારાપોવાએ સપ્ટેમ્બર 2021માં આ વિશે કહ્યું હતું કે હજુ સુધી કંઈ નક્કી નથી થયું.
મારિયા શારાપોવાએ ફેબ્રુઆરી 2020માં ટેનિસમાંથી નિવૃત્તિ લીધી હતી. તે નંબર પ્લેયર રહી ચુકી છે. તેણે 2012 લંડન ઓલિમ્પિકમાં સિલ્વર મેડલ જીત્યો હતો. તેના નામે પાંચ ગ્રાન્ડ સ્લેમ ટાઈટલ પણ છે. મારિયા ઓસ્ટ્રેલિયન ઓપન, વિમ્બલ્ડન અને યુએસ ઓપન એક-એક વખત જીતી ચૂકી છે. તે બે વખત ફ્રેન્ચ ઓપન પણ જીતી ચૂકી છે.
મારિયા શારાપોવા 18 વર્ષની ઉંમરમાં નંબર વન ખેલાડી બની હતી. મહિલા સિંગલ્સમાં આ સિદ્ધિ મેળવનારી તે પ્રથમ રશિયન મહિલા છે. તેણે તેની કારકિર્દીમાં કુલ 36 ટાઇટલ જીત્યા. મારિયા શારાપોવા ટેનિસ ક્ષેત્રે રશિયાનું પ્રતિનિધિત્વ કરે છે પરંતુ તે 1994થી અમેરિકામાં રહે છે.