25 ફેબ્રુઆરીથી સ્ટ્રીમ થશે માધુરી દીક્ષિતની ‘The Fame Game’, જુઓ તસવીરો
'ધ ફેમ ગેમ'માં માધુરી દીક્ષિતનો અનામિકા આનંદનો લુક હવે રિલીઝ થઈ ગયો છે. આ વેબ સિરીઝ સાથે બોલિવૂડની ધક ધક ગર્લ તેની કરિયરની સફરમાં નવી ઇનિંગ રમવા જઈ રહી છે.
Netflixની આગામી વેબ સિરીઝ 'ધ ફેમ ગેમ' 25 ફેબ્રુઆરીના રોજ OTT પ્લેટફોર્મ પર રિલીઝ થવાની તૈયારીમાં છે. માધુરી દીક્ષિતની આ ડેબ્યૂ 'વેબ સિરીઝ' ડ્રામા અને લાગણીઓથી ભરપૂર હશે. માધુરીના ફેન્સ આ સિરીઝની ઘણા સમયથી રાહ જોઈ રહ્યા છે.
નેટફ્લિક્સની વેબ સિરીઝ 'ધ ફેમ ગેમ' એક ફેમિલી ડ્રામા હશે. બોલિવૂડની ધક ધક ગર્લ માધુરી દીક્ષિત સાથે, અભિનેતા માનવ કૌલ, સંજય કપૂર, લક્ષવીર સરન અને મુસ્કાન જાફરી જેવા ઘણા પ્રખ્યાત કલાકારો આ વેબ સિરીઝનો ભાગ બનવાના છે.
માધુરી દીક્ષિત આ વેબ સિરીઝમાં અનામિકા આનંદની ભૂમિકામાં જોવા મળશે. આ શોના ટીઝરમાં તમામ કલાકારોના લૂકની ઝલક જોવા મળે છે. આ વેબ સીરિઝ 25 ફેબ્રુઆરીએ રિલીઝ થઈ રહી છે.
આ વેબ સિરીઝમાં માધુરી સુપરસ્ટાર અભિનેત્રીની ભૂમિકા ભજવવા જઈ રહી છે. ખ્યાતિ અને પ્રગતિનો તાજ પહેરનાર અનામિકા આનંદ અચાનક ગાયબ થઈ જાય છે અને પછી આ સમાચાર સાથે તેની નજીકના લોકોના જીવનમાં કેવા બદલાવ આવે છે, તે આ વેબ સિરીઝમાં બતાવવામાં આવશે.
અગાઉ માધુરી દીક્ષિતે તેની પ્રથમ મરાઠી વેબ ફિલ્મ '15 ઓગસ્ટ' નેટફ્લિક્સ પર રિલીઝ કરી હતી, હવે તે પોતે આ વિશ્વ પ્રસિદ્ધ પ્લેટફોર્મ પરથી OTT પર ડેબ્યૂ કરવા જઈ રહી છે.