ખરેખર મેસ્સી જેવું કોઈ નહીં ! Lionel Messiએ 35 ગોલ્ડ IPhones ખેલાડી અને સ્ટાફને ગિફ્ટ કર્યા
આર્જેન્ટિનાએ ગયા વર્ષે સ્ટાર ફૂટબોલર લિયોનલ મેસ્સીની કેપ્ટનશિપ હેઠળ ફૂટબોલ વર્લ્ડ કપનો ખિતાબ જીત્યો હતો. આર્જેન્ટિનાએ લાંબી રાહ જોયા પછી આ ટૂર્નામેન્ટ જીતી
આર્જેન્ટિનાના દિગ્ગજ ફૂટબોલર લિયોનલ મેસ્સી મેદાનમાં એ સાબિત કરે છે કે, આ દુનિયામાં તેના જેવા કોઈ ખેલાડી નથી. તેના ગોલની સંખ્યા, તેના પુરસ્કારો આનો પુરાવો છે. મેસ્સીએ હવે તેની ટીમ માટે કંઈક કર્યું છે જેના વિશે તમે ક્યારેય સાંભળ્યું નહિ હોય
આર્જેન્ટિનાએ ગયા વર્ષે લિયોનલ મેસ્સીની કેપ્ટનશિપ હેઠળ વર્લ્ડ કપનો ખિતાબ જીત્યો હતો. આ જીત મેસ્સી માટે ખૂબ જ ભાવનાત્મક હતો કારણ કે આ માટે તે બે દાયકાથી વધુ સમય સુધી રાહ જોતો હતો. આ વિશેષ જીતને વધુ વિશેષ બનાવવા માટે, મેસ્સીએ તેની ટીમ અને સ્ટાફને એક ભેટ આપી છે કે ચાહકોને જોઈને ખૂબ જ આશ્ચર્ય થયું.
મેસ્સીએ તેની ટીમના ખેલાડીઓ અને સ્ટાફ એટલે કે 35 લોકોને ગોલ્ડ આઇફોનની ભેટ આપી છે. ધ સનના સમાચાર મુજબ, આ આઇફોન એક વિશેષ ઓર્ડર પર બનાવવામાં આવ્યા છે, જેની કિંમત 175000 પાઉન્ડ એટલે કે લગભગ 1.73 કરોડ રૂપિયા છે.
દરેક ખેલાડીનું નામ અને તેમનો જર્સી નંબર આ આઇફોન્સની પાછળ લખાયેલ છે. આ સાથે, આર્જેન્ટિના ટીમનો લોગો પણ છે. વર્લ્ડ ચેમ્પિયન પણ બધા આઇફોન પર લખાયેલ છે. મેસ્સીએ બેન લાયન્સના સહયોગથી આ આઇફોનની ડિઝાઈન કરી છે.
આર્જેન્ટિનાએ ફિફા વર્લ્ડ કપની ફાઇનલમાં ફ્રાન્સને હરાવીને ખિતાબ જીત્યો. કતારમાં રમાયેલી છેલ્લી મેચ ખૂબ જ રોમાંચક રહી છે. મેચ 3-3 થી ડ્રો રહી હતી, ત્યારબાદ પેનલ્ટી કોર્નરમાંથી નિર્ણય લેવામાં આવ્યો હતો. મેસ્સીને પ્લેયર ઓફ ધ ટૂર્નામેન્ટ તરીકે પસંદ કરવામાં આવ્યો હતો.
Published On - 3:48 pm, Thu, 2 March 23