Health Tips : ગરમીમાં વધારે ના પીતા લીંબુ પાણી ! થઈ શકે છે આ મોટી સમસ્યા, જાણો અહીં
ઉનાળો આવતા જ લોકો ઠંડી વસ્તુઓ ખાવાનું પસંદ કરે છે. કેટલાક લોકો ઉનાળામાં ફળોના રસ, શરબત, લીંબુ પાણીનું સેવન કરે છે. આ સ્વાસ્થ્ય માટે ખૂબ જ ફાયદાકારક માનવામાં આવે છે. લીંબુમાં વિટામિન્સ અને મિનરલ્સ જેવા ઘણા પોષક તત્વો ભરપૂર માત્રામાં હોય છે. પરંતુ તેને વધારે પીવાથી નુકસાન પણ થઈ શકે છે. ચાલો જાણીએ નિષ્ણાતો પાસેથી.
એસિડિટીની સમસ્યા થઈ શકે છે : જે લોકો પહેલાથી જ ગેસ કે એસિડિટીની સમસ્યાથી પરેશાન હોય તેમણે લીંબુ પાણી પીવાનું ટાળવું જોઈએ. તેમાં સાઇટ્રિક એસિડનું પ્રમાણ વધુ હોવાથી એસિડિટી વધવાનું જોખમ રહેલું છે. જેમને એસિડિટીની સમસ્યા હોય તેમણે ખાલી પેટ લીંબુ પાણી ન પીવું જોઈએ.(ફોટો ક્રેડિટ-સોશિયલ મીડિયા)
કિડની પર અસર : ડાયટિશિયન માધવી કહે છે કે જો કોઈને કિડની સંબંધિત કોઈ સમસ્યા હોય તો પણ તેણે ખાલી પેટે લીંબુ પાણી પીવાનું ટાળવું જોઈએ. આ કારણે તમારી કિડની પર વધારાનું દબાણ આવી શકે છે. તેથી, ધ્યાનમાં રાખો કે ક્રોનિક કિડની રોગથી પીડિત લોકોએ ખાલી પેટ લીંબુ પાણી પીવું જોઈએ નહીં.(ફોટો ક્રેડિટ-સોશિયલ મીડિયા)
માથામાં દુખાવો : આ સિવાય વધુ માત્રામાં લીંબુ પાણી પીવાથી પણ માથાનો દુખાવો થઈ શકે છે. તેમાં ટાયરામાઈન નામનું એમિનો એસિડ જોવા મળે છે, જેના કારણે આપણા મગજમાં લોહી ઝડપથી પહોંચે છે અને માઈગ્રેન સંબંધિત સમસ્યાઓ ઊભી કરે છે.(ફોટો ક્રેડિટ-સોશિયલ મીડિયા)
હાડકાની સમસ્યાઓ : હાડકાને લગતી સમસ્યાઓ હોય તો લીંબુ પાણી વધારે ન પીવું જોઈએ. તેનાથી હાડકાંને નુકસાન થઈ શકે છે. લીંબુ પાણીનું એસિડ હાડકામાં જમા થયેલા કેલ્શિયમને ઝડપથી ખતમ કરી શકે છે, જે પેશાબ દ્વારા બહાર નિકળી જાય છે. આના કારણે હાડકાં નબળા અને પોલા પડી શકે છે અને ઓસ્ટીયોપોરોસીસનું જોખમ પણ અનેકગણું વધી શકે છે.(ફોટો ક્રેડિટ-સોશિયલ મીડિયા)
