Laptop Tips: શું તમારૂ લેપટોપ થઈ રહ્યુ છે વધુ ગરમ ? તો અપનાવો આ ટ્રિક
એકસાથે અનેક એપ્લિકેશન્સ અને પ્રોગ્રામ્સ ચલાવવાથી CPU અથવા GPU પર ઘણો લોડ પડે છે. આ સ્થિતિમાં લેપટોપ વધુ ગરમ થવા લાગે છે. તેથી, ગરમીની સમસ્યા ઘટાડવા માટે, તે બધા પ્રોગ્રામ્સ બંધ કરવા જોઈએ, જેનો તમે એક્ટિવ રીતે ઉપયોગ કરી રહ્યાં નથી.
વિન્ડોઝને લેપટોપમાં ફરીથી ઈન્સ્ટોલ કરી શકાય છે: વિન્ડોઝ ઓપરેટિંગ સિસ્ટમ ઘણી સુવિધાઓ અને વિકલ્પો સાથે આવે છે. આવી સ્થિતિમાં, ખોટો પ્રોગ્રામ અથવા ડ્રાઇવર ઇન્સ્ટોલ કર્યા પછી, સમસ્યાનું કારણ શું છે તે પકડવું મુશ્કેલ બની જાય છે. આ કિસ્સામાં, તમે OS ફરીથી ઇન્સ્ટોલ કરી શકો છો.
જંક ફાઇલ ડિલીટ કરવી: સિસ્ટમમાં હાજર બિનજરૂરી એપ્સ, ફાઇલો અને કેશ ફાઇલો કમ્પ્યુટરને ધીમું કરે છે. આવી સ્થિતિમાં, લેપટોપનું કામ વધી જાય છે અને તે વધુ ગરમ પણ થાય છે. જંક ફાઇલો કાઢી નાખવી સારી છે.
એર ફ્લો તપાસો: મોટાભાગના લેપટોપમાં ઈન્ટરનલ કંપોનેન્ટસને ઠંડુ કરવા માટે પંખો હોય છે. તે તાજી હવા લાવે છે અને ગરમ હવાને બહાર જવા દે છે. પરંતુ સમયની સાથે તેના પર ધૂળ પણ આવે છે. આ કિસ્સામાં, તેને સાફ કરવું જોઈએ. આ માટે તમારે લેપટોપની પાછળની પ્લેટ ખોલવી પડશે અને બ્રશ વડે એર વેન્ટ્સને સાફ કરવા પડશે.
આ બધા સિવાય, તમે બેટરી અને ચાર્જર તપાસી શકો છો, થર્મલ પેસ્ટ ફરીથી લાગુ કરી શકો છો અને હાર્ડવેર ઘટકો પણ ચકાસી શકો છો. જો કે, તમારે આ માટે પ્રોફેશનલની જરૂર પડી શકે છે. ઉપરાંત, તમે લેપટોપને અલગ જગ્યાએ રાખીને તેનો ઉપયોગ કરવાનો પ્રયાસ કરી શકો છો.
