સુરતના આ 24 કેરેટ ગોલ્ડ પ્લેટેડ આઇસ્ક્રીમની જાણો શું છે વિશેષતા, જુઓ Photos
સુરતી લાલાઓ ખાવા માટે અવનવી શોધ કરતાં રહે છે. ત્યારે હવે આઇસ્ક્રીમ સાથે કરામત કરી સુરતીઓએ હવે સોનાનો આઇસ્ક્રીમ બનાવ્યો છે. ત્યારે આ ગોલ્ડ પ્લેટેડ આઇસ્ક્રીમની મજા માણવા દૂર દૂર થી લોકો આવી રહ્યા છે.
હાલ ઉનાળાની ગરમીમાં લોકો આઈસ્ક્રીમની ભરપૂર મજા માણતા હોય છે. ત્યારે સુરતીઓ હવે 24 કેરેટ ગોલ્ડ પ્લેટેડ આઈસ્ક્રીમની મજા માણી રહ્યા છે. સુરતના એક આઈસ્ક્રીમ પાર્લર દ્વારા આ અનોખો આઈસ્ક્રીમ તૈયાર કરાયો છે.
આ આઇસ્ક્રીમનો ભાવ સાંભળીને જ તમારી આંખો પહોળી થઇ જશે, કારણ કે આ આઈસ્ક્રીમ સમાન્ય નથી પરંતુ 24 કેરેટ ગોલ્ડ પલેટેડ છે જેની કિંમત 1 હજાર રૂપિયા છે. સાથે તમને 18% જીએસટી પણ ભરવું પડે છે
સુરતનું જમણ અને કાશીનું મરણ આ કેહવત છે. કારણ કે સુરતનું જમણ દેશ વિદેશમાં વખણાય છે. ત્યારે ખાણીપીણીના શોખીન સુરતીઓ હાલમાં 24 કેરેટ ગોલ્ડ પલેટેડ આઈસ્ક્રીમની મજા માણી રહ્યા છે.
આ 24 કેરેટ ગોલ્ડ પ્લેટેડ આઈસ્ક્રીમ પર ખાસ પ્રકારનો ગોલ્ડનો અર્ક લગાડવામાં આવે છે. તેમજ આ આઈસ્ક્રીમની અંદર જે કોન આપવામાં આવે છે તે પણ ગોલ્ડ બોલથી સજાવાય છે. આટલું મોંઘુ આઈસ્ક્રીમ હોવા છતાં એની ડિમાન્ડ ગરમીમાં સૌથી વધારે છે
આઈસ્ક્રીમની અંદર લોકોને ગોલ્ડ કોનની અંદર બ્રાઉની, ઘણા બધા ડ્રાયફ્રુટ્સ, ચોકલેટ શિરપ વેગેરે સાથે ફ્લેવર પણ છે. તેનો ટેસ્ટ પણ ખુબ જ યુનિક છે. આ આઈસ્ક્રીમ ખાવા માટે તો લોકો આવે જ છે પરંતુ આઈસ્ક્રીમને બનતો જોવાની પણ એક અલગ જ મજા છે.
Published On - 9:28 pm, Thu, 11 May 23