Kanika Marriage Photos: કનિકા કપૂરે સોશિયલ મીડિયા પર શેયર કરી ગૌતમ સાથેના લગ્નની તસવીરો, કહ્યું- ‘મને મારો રાજકુમાર મળી ગયો છે’
કનિકા કપૂરે (Kanika Kapoor) પોતાના લગ્નની પ્રથમ તસવીરો સોશિયલ મીડિયા પર પોસ્ટ કરી છે. ગાયિકા અને ગૌતમે, પરિવાર અને નજીકના મિત્રો વચ્ચે લંડનમાં લગ્ન કર્યા હતા.
આ પ્રસંગ માટે, કનિકાએ ગુલાબી, સિલ્વર અને ગોલ્ડન લહેંગો પહેર્યો હતો અને તે પરંપરાગત ઘરેણાંથી સજ્જ હતી. જ્યારે ગૌતમે ક્રીમ રંગના એથનિક આઉટફિટ પસંદ કર્યા અને નેકપીસ ઉમેર્યો હતો.
તસવીરો શેયર કરતાં કનિકાએ પોસ્ટને કેપ્શન આપ્યું, "અને મેં કહ્યું હા. પરીકથાઓ તમારી સાથે પણ બની શકે છે, ફક્ત તેના પર વિશ્વાસ કરવાનું ક્યારેય બંધ ન કરો. સ્વપ્ન જૂઓ કારણ કે એક દિવસ તે સપના સાચા થાય છે. મને રાજકુમાર મળ્યો. અમને મળાવવા માટે હું બ્રહ્માંડની આભારી છું."
તેણે એમ પણ કહ્યું, "આપણી સાથે મળીને સફર શરૂ કરવા, તમારી સાથે વૃદ્ધ થવા, તમને પ્રેમ કરવા અને તમારી સાથે શીખવા માટે ઉત્સાહિત છું. પરંતુ સૌથી મહત્વની બાબત એ છે કે તમારી સાથે હસવુંએ મહત્વનું છે. મને દરરોજ હસાવવા બદલ આભાર.". મારા શ્રેષ્ઠ મિત્ર, મારા જીવનસાથી અને મારા હીરો @gautamh #mrshathiramani #co-star #married #kanikakapoor."
પોસ્ટ પર પ્રતિક્રિયા આપતા, સંજય કપૂર, મનીષ મલ્હોત્રા અને અનન્યા બિરલા સિવાય ઘણા લોકોએ દંપતીને અભિનંદન આપ્યા. સિંગર મીકા સિંહે લખ્યું, "અભિનંદન, તમને બંનેને ખૂબ જ સુખી લગ્નજીવનની શુભેચ્છા." ગાયક તેના 'બેબી ડોલ' અને 'ચિટિયાં કલૈયાં' જેવા ગીતો માટે જાણીતી છે. ગાયિકાના આ બીજા લગ્ન છે. તેના પહેલા લગ્ન બિઝનેસમેન રાજ ચંડોક સાથે થયા હતા.
