Permanent Residency : વિદેશમાં વસવાનો મોકો… માત્ર 5000થી પણ ઓછા ખર્ચે, જાણો કેવી રીતે ?
Japan Permanent Residency: જાપાન પરમાનેન્ટ રેસિડન્સી (PR) માટે એક મોટું ઓફર લઈને આવ્યું છે. હવે તમે માત્ર 8,000 યેન (લગભગ ₹4,789) ફી સાથે જાપાનમાં પી.આર. માટે અરજી કરી શકો છો. પરંતુ અહીં એક ટ્વિસ્ટ છે – જો તમે ઓછામાં ઓછા 10 વર્ષથી જાપાનમાં રહેતા હો, તો જ આ તકનો લાભ લઈ શકશો.
જાપાન PR માટેની મુખ્ય શરતો જેમાં ઓછામાં ઓછા 10 વર્ષથી જાપાનમાં રહેતા હોવું જોઈએ. પોતાની આવક/નોકરી/બિઝનેસથી ખર્ચ ચલાવવાની ક્ષમતા હોવી જોઈએ. કોઈ ક્રિમિનલ રેકોર્ડ કે ઇમિગ્રેશન કાયદો તોડેલો ન હોવો જોઈએ. જો તમારા લગ્ન જાપાની નાગરિક કે પહેલેથી PR ધરાવતા વ્યક્તિ સાથે થઈ હોય, અને તમે ઓછામાં ઓછા 1 વર્ષથી જાપાનમાં રહેતા હો (લગ્નને 3 વર્ષથી વધુ થયા હોય), તો પણ અરજી કરી શકો છો.
જાપાની નાગરિકોના બાળકો અથવા PR ધરાવતા લોકોના બાળકો માત્ર 1 વર્ષમાં પણ અરજી કરી શકે છે. હાઈ સ્કિલ્ડ પ્રોફેશનલ્સ માટે પોઈન્ટ્સ સિસ્ટમ. 70 પોઈન્ટ્સ સાથે 3 વર્ષમાં પી.આર. મળી શકે છે. 80 પોઈન્ટ્સ અથવા તેથી વધુ પર માત્ર 1 વર્ષમાં જ અરજી કરી શકાય છે.
જરૂરી દસ્તાવેજોની વાત કરવામાં આવે તો, PR માટે અરજી ફોર્મ, વેલિડ પાસપોર્ટ અને રેસિડન્સ કાર્ડ, Certificate of Residence, નોકરી/આવકનો પુરાવો, બેંક સ્ટેટમેન્ટ, ટેક્સ પેમેન્ટના પુરાવા અને સોશિયલ સિક્યોરિટીના ડોક્યુમેન્ટ, જામીનદારના દસ્તાવેજ, જેમ કે ગારંટી લેટર અને તેમની આવકનો પુરાવો. જો લગ્ન/પરિવાર હોય તો સંબંધિત રજિસ્ટ્રેશન દસ્તાવેજો. મહત્વનું છે કે તમામ દસ્તાવેજો જાપાની ભાષામાં હોવા જોઈએ અથવા સાથે જાપાની અનુવાદ જોડેલો હોવો જરૂરી છે.
અરજી પ્રક્રિયાની વાત કરવા આવે તો, બધા જરૂરી દસ્તાવેજો તૈયાર કરો. વીઝા એક્સપાયરી પહેલાં નજીકના Immigration Bureauમાં અરજી કરો. અરજી ફી 8,000 યેન (₹4,789) રેવન્યુ સ્ટેમ્પથી ભરો. પ્રક્રિયામાં 4 થી 8 મહિના લાગી શકે છે. મંજૂરી પછી તમારું જૂનું Residence Card બદલીને નવું કાર્ડ Ward Office/નગર પાલિકામાંથી મેળવી લો. PR જાળવવા માટે દર વર્ષે ઓછામાં ઓછા 6 મહિના જાપાનમાં રહેવું જરૂરી છે.
જાપાન હાલમાં વસ્તી સંકટનો સામનો કરી રહ્યું છે. અહીં વૃદ્ધોની સંખ્યા વધી રહી છે અને કામકાજ કરતી યુવા પેઢી ઘટી રહી છે. આ કારણે જાપાન સરકારે વિદેશી પ્રોફેશનલ્સને આકર્ષવા માટે PR પ્રક્રિયા સરળ બનાવી છે, જેથી દુનિયાભરના ટેલેન્ટેડ લોકો અહીં આવી શકે.
