જામનગર: ધ્રોલ તાલુકામાંની અનોખી સરકારી શાળા, શહેરથી બાળકો આવે છે અભ્યાસ માટે, જુઓ ફોટા
જામનગર જિલ્લાના ધ્રોલ તાલુકામાં આવેલુ ખારવા ગામની ઓળખ તેની સરકારી શાળા બની છે. ખારવા સરકારી શાળામાં અનેક વિશેષતાઓના કારણે શહેરથી વિધાર્થીઓ ગામડામાં ભણવા માટે આવે છે. વાલીઓ ખાનગી શાળાનો મોહ છોડીની આદર્શ અનોખી સરકારી શાળામાં મોકલે છે. ખારવાની સરકારી શાળામાં ધોરણ 1થી 8 માં કુલ 287 વિધાર્થીઓ, 8 વર્ગખંડ અને 10 શિક્ષકોનો સ્ટાફ છે.
સરકારી શાળા છે તો પણ ઘડિયાળનો સમય જોઈને નહી પરંતુ બાળકોની રૂચીને જોઈને વર્ગ લેવાય છે. નિયત સમયે ફરજીયાત શાળાનો અભ્યાસક્રમ ચાલે છે. ઉપરાંત શાળા સમય બાદ ઓવરટાઈમ કે જાહેર રજાના દિવસોમાં બાળકો શિક્ષણ માટે આવે છે.શિક્ષિણ માટે રાજયસરકારે અનેક યોજના લાગુ કરી છે.જેનો વધુને વધુ લાભ અને સ્કોલરશીપ બાળકોને મળે તે માટે શિક્ષકો તૈયારી કરાવે છે. જ્ઞાનસેતુ,એનએમએમએસ, પીએસઈ, જ્ઞાનસાધના, જીકે, આઈક્યુ સહીતની પરીક્ષાની તૈયારીઓ કરવામાં આવે છે.જેમાં જિલ્લા વધુ બાળકો ખારવા સરકારી શાળાના હોય છે.વોટસઅપ દ્વારા વિધાર્થીઓને ઓનલાઈન પરીક્ષાઓ લેવામાં આવે છે.
ગામજનોએ શાળામાં બાળકોના શિક્ષણ માટે તમામ પ્રકારનો સહયોગ આપ્યો છે. રમત-ગમત માટે મૈદાન ગામજનોએ શાળાને ઉપયોગી થશે તે માટે જગ્યા આપી છે.આ ઉપરાંત શાળામાં જરૂરી સવલતો માટે આર્થિક દાન ગામજનો, વાલીઓ, પુર્વ વિધાર્થીઓ દ્વારા આપવામાં આવે છે. જેથી બાળકોને સવલતો મળી રહે છે.
