જામનગર સાયબર ક્રાઈમને ખેડૂતોને છેતરનારા 11 લોકોની કરી અટકાયત, બોગસ કોલસેન્ટર પર દરોડાની કરાઈ કાર્યવાહી

જામનગર સાયબર ક્રાઈમની ટીમે જુનાગઢમાંથી બોગસ કોલ સેન્ટર ઝડપી પાડ્યુ છે. જેમા 5 મહિલા સહિત 11 લોકોની અટકાયત કરવામાં આવી છે. ખેડૂતોને તાડપત્રી અને દવાની એજન્સી આપવાના નામે પૈસા મેળવીને ખેડૂતો સાથે છેતરપિંડી કરતા હતા. પોલીસે 11 લોકોની અટકાયત કરી કુલ 32 મોબાઈલ અને લેપટોપ સહિતનો મુદ્દામાલ જપ્ત કર્યો છે.