ITBPમાં નોકરીની શાનદાર તક, 70 હજાર પગાર, 10મું પાસ પણ કરી શકશે અપ્લાય
itbp recruitment 2024 : ITBP એ વિવિધ વિભાગોમાં કોન્સ્ટેબલ માટે ભરતી જાહેર કરી છે. 200 થી વધુ જગ્યાઓ પર ભરતી થવાની છે, જેની અરજી પ્રક્રિયા 12 ઓગસ્ટથી શરૂ થશે. ITBP માં કારપેન્ટર, પ્લમ્બર, ઇલેક્ટ્રિશિયન અને મેસનની જગ્યાઓ માટે ભરતી થવાની છે.
ઇન્ડો તિબેટીયન બોર્ડર પોલીસ ફોર્સ એટલે કે ITBP માં ભરતી બહાર આવી છે. જે યુવાનો સેનામાં જોડાવા અને દેશની સેવા કરવા ઇચ્છુક હોય તે અરજી કરી શકે છે. ITBP એ ગ્રુપ C માટે આ ભરતીઓ જાહેર કરી છે. અરજી પ્રક્રિયા સોમવાર 12 ઓગસ્ટથી શરૂ થશે, જ્યારે અરજી કરવાની છેલ્લી તારીખ 10 સપ્ટેમ્બર, 2024 છે. ઉમેદવારો ITBP recruitment.itbpolice.nic.in ની ઓફિશિયલ વેબસાઇટ દ્વારા અરજી કરી શકે છે.
કઈ જગ્યાઓ ખાલી છે? : ITBP એ કારપેન્ટર, પ્લમ્બર, ઇલેક્ટ્રિશિયન અને મેસનની જગ્યાઓ માટે ભરતીની જાહેરાત કરી છે. કુલ 202 જગ્યાઓ પર ભરતી થવાની છે. જેમાં કોન્સ્ટેબલ (કાર્પેન્ટર)ની 71 જગ્યાઓ, કોન્સ્ટેબલ (પ્લમ્બર)ની 52 જગ્યાઓ, કોન્સ્ટેબલ (ઈલેક્ટ્રીશિયન)ની 64 જગ્યાઓ અને ઈલેક્ટ્રિશિયન (મેસન)ની 15 જગ્યાઓનો સમાવેશ થાય છે. ખાસ વાત એ છે કે આ પોસ્ટ પર પુરૂષ અને મહિલા બંનેની ભરતી થવાની છે એટલે કે જો મહિલાઓ પણ અરજી કરવા માંગતી હોય તો તે કરી શકે છે.
ITBP age 2024 : લાયકાત અને વય મર્યાદા શું છે? : આ ભરતી માટે ફક્ત તે જ ઉમેદવારો અરજી કરી શકે છે. જેમણે માન્ય બોર્ડમાંથી 10મું પાસ કર્યું હોય અને સંબંધિત ક્ષેત્રમાં ITI પ્રમાણપત્ર પણ હોય. પાત્રતા સંબંધિત અન્ય માહિતી માટે ઉમેદવારો ITBP ની સૂચના જોઈ શકે છે.
ITBP vacancy 2024 : જ્યારે જો આપણે ઉંમર વિશે વાત કરીએ તો ઉમેદવારની ઉંમર ઓછામાં ઓછી 18 વર્ષ અને મહત્તમ 23 વર્ષ હોવી જોઈએ. જો કે ઓબીસી અને એસસી-એસટી સહિતની અનામત કેટેગરીઓને વયમાં છૂટ આપવામાં આવી છે. અરજીની છેલ્લી તારીખ સુધીની ઉંમરની ગણતરી કરવામાં આવશે.
પગાર કેટલો હશે અને પસંદગી પ્રક્રિયા શું છે? : ITBP કોન્સ્ટેબલની આ ભરતીમાં ઉમેદવારોને લેવલ 3 મુજબ પગાર આપવામાં આવશે. જે રૂપિયા 21,700 થી રૂપિયા 69,100 સુધીની હોઇ શકે છે. પસંદગી પ્રક્રિયા વિશે વાત કરીએ તો ઉમેદવારોની પસંદગી PET એટલે કે શારીરિક કાર્યક્ષમતા કસોટી, PST એટલે કે શારીરિક ધોરણ કસોટી, લેખિત પરીક્ષા અને મેડિકલ ટેસ્ટના આધારે કરવામાં આવશે. ITBP ગ્રુપ C કોન્સ્ટેબલની ભરતી માટેની અરજી 12મી ઓગસ્ટથી શરૂ થશે. એપ્લિકેશન વિન્ડો ખુલ્યા પછી ઉમેદવારો ઑનલાઇન અરજી કરી શકે છે.