દિવસે સૂવું અને રાત્રે સૂવામાં શું ફરક હોય છે? નિષ્ણાંતે કહી મોટી વાત, હવે ના કરતા આવી ભૂલ
કુદરત મુજબ રાતનો અંધકાર સૂવા માટે છે અને દિવસનો પ્રકાશ જાગીને નવા દિવસની શરૂઆત કરવા માટે છે. આવી સ્થિતિમાં જે લોકો દિવસ દરમિયાન કલાકો સુધી ઊંઘે છે, તેઓએ જાણવું જ જોઇએ કે દિવસ અને રાતની ઊંઘમાં શું તફાવત છે. આવો, નિષ્ણાતો પાસેથી જાણીએ.
ડૉક્ટર્સ કહે છે કે દિવસ અને રાતની ઊંઘમાં ઘણો તફાવત છે. જ્યારે તમે રાત્રે સૂઈ જાઓ છો, ત્યારે મેલોટોનિન વધે છે જે ઊંઘને પ્રેરિત કરે છે જેને અંધકારની જરૂર હોય છે. જો કે, તમે દિવસ દરમિયાન પાવર નેપ લઈ શકો છો. દિવસ-રાતની ઊંઘ અંગે ડોક્ટરે વધુમાં જણાવ્યું હતું કે કામના કારણે તમે રાત્રે જાગતા રહી શકો છો પરંતુ જો કોઈ કામ ન હોય તો સમયસર સૂવું વધુ સારું છે.
તમે ઘણી વાર વાંચ્યું કે સાંભળ્યું હશે કે વ્યક્તિએ રાત્રે ઓછામાં ઓછી 7 થી 8 કલાકની ઊંઘ લેવી જોઈએ. પરંતુ આ માટે યોગ્ય સમયે સૂવું અને જાગવું જરૂરી છે. તબીબોનું કહેવું છે કે રાત્રે 10 વાગ્યાથી સવારના 4 વાગ્યા સુધી ઉંઘ સારી રહે છે. 4 નહીં તો 5 વાગે ઉઠો. આ પછી તમારી જાતને સંપૂર્ણ એક કલાક આપો. આ સમય દરમિયાન તમે કસરત કરી શકો છો અથવા ફરવા જઈ શકો છો. ઓછા વોલ્યુમમાં ગીતો સાંભળી શકો છો. આમ કરવાથી શરીરમાંથી હેપ્પી હોર્મોન્સ નીકળે છે.
Published On - 12:49 pm, Sat, 15 February 25
