TMKOC: 17 વર્ષ બાદ બંધ થવા જઈ રહ્યો છે ‘તારક મહેતા..’શો ? અસિત મોદીએ તોડી ચુપ્પી
'તારક મહેતા કા ઉલ્ટા ચશ્મા' 2008 થી દર્શકોમાં એક પ્રિય શો રહ્યો છે. શોના નિર્માતા, અસિત મોદીએ શોના ભવિષ્ય વિશે વાત કરી છે. તેમણે શો બંધ કરવા અંગે શું કહ્યું ચાલો જાણીએ
શોના ચાલુ રાખવા અંગે પ્રશ્નો ઉભા થયા છે. શોના નિર્માતા, અસિત મોદીએ જાહેર કર્યું કે આ શો કેટલો સમય ચાલશે. એક કાર્યક્રમ દરમિયાન, અસિત મોદીએ કહ્યું, "આ શો હજુ પણ ચાલી રહ્યો છે, અને અમે તેને શક્ય તેટલા લાંબા સમય સુધી ચાલુ રાખીશું. હું જોઉં છું કે લોકો હજુ પણ તેને પ્રેમ કરે છે. તારક મહેતા એક એવો શો છે જે હાસ્ય અને આનંદ લાવે છે. મને ખુશી છે કે લોકો તેને આટલી રુચિથી જુએ છે. તે ફક્ત એક શો નથી, પરંતુ એક બ્રાન્ડ છે જેને દર્શકો તરફથી અપાર પ્રેમ મળી રહ્યો છે. મેં તેને બનાવવા માટે ઘણી મહેનત કરી છે, અને મારી ટીમ પણ સખત મહેનત કરે છે."
અસિત કુમાર મોદીએ ટીવી અને OTT વચ્ચેના સંબંધ વિશે પણ વાત કરી. તેમણે કહ્યું કે ટેકનોલોજી ફરક પાડે છે. લોકો કહે છે કે ટીવી વ્યુઅરશિપ ઘટી છે, પરંતુ મારું માનવું છે કે જો આપણે સારી કન્ટેન્ટ બતાવીશું, તો દર્શકો ચોક્કસપણે પાછા આવશે. ટીવી આખા પરિવારને એકસાથે લાવે છે. આખો પરિવાર તેને એકસાથે જુએ છે. ટીવી હંમેશા તેનું સ્થાન રાખશે.
તેમણે ઉમેર્યું કે આજે દરેક પ્લેટફોર્મ સારી કન્ટેન્ટ પ્રદાન કરી રહ્યું છે. ભલે તે OTT હોય, ટીવી હોય કે સોશિયલ મીડિયા, એવું લાગે છે કે દર્શકો માટે વિકલ્પોની ભરમાર છે. તારક મહેતા શો હવે એપ પર પણ ઉપલબ્ધ છે.
Published On - 10:57 am, Sun, 7 December 25
