રણજી ટ્રોફીમાં હરિયાણા માટે રમી રહેલા રાહુલ તેવટિયાનો લુક લોકોને પસંદ આવી રહ્યો છે. હરિયાણા ક્રિકેટે તેવટિયાનો ફોટો શેર કર્યો છે. જેમાં તે બેટિંગ કરતા જોવા મળી રહ્યો છે. જેમાં રાહુલ તેવટિયા વ્હાઈટ જર્સીમાં ક્લીન શેવ સાથે જોવા મળી રહ્યો છે, જેમાં લાંબી મૂછ જોવા મળી રહી છે અને માથા પર કેપ પહેરી છે.
ઈન્ડિયન પ્રીમિયર લીગમાં છેલ્લી ઓવરમાં ચોગ્ગા-છગ્ગાનો વરસાદ કરવા માટે ચર્ચામાં રહેનાર રાહુલ તેવટિયા હાલમાં પોતાના નવા લુકને કારણે ચર્ચામાં છે. ત્યારે ચાહકો તેની તૂલના પાકિસ્તાનના પૂર્વ ક્રિકેટર જાવેદ મિયાનંદા સાથે કરી રહ્યા છે.
તેવટિયાનો આ લુક જોઈ ચાહકોને 90ના ક્રિકેટરની યાદ આવી ગઈ હતી. પહેલાના સમયમાં ક્રિકેટરો આવા જ લુકમાં જોવા મળતા હતા. તેવટિયાના આ લુક પર લોકો રિએક્શન પણ આપી રહ્યા છે.
રાહુલ તેવટિયાનું આઈપીએલ કરિયર 2014માં રાજસ્થાન રોયલ્સની સાથે શરુ કર્યું હતુ. 2022 સીઝન માટે હારજીમાં ગુજરાત ટાઈટન્સે પોતાની ટીમમાં સામેલ કર્યો હતો. રાહુલ તેવટિયા કિંગ્સ ઈલેવન પંજાબ અને દિલ્હી કેપિટલ્સમાંથી પણ રમી ચૂક્યો છે. હાલમાં તે ગુજરાત ટાઈટન્સનો બેટ્સમેન બની ગયો છે. રાહુલે અનેક વખતે ટીમને જીત અપાવી છે. તે એક શાનદાર ફિનિશર છે.
જો આપણે રાહુલ તેવટિયાના આઈપીએલ વિશે વાત કરીએ તો, તે 2022થી ગુજરાતની ટીમનો ભાગ છે. તેમને ટાઈટન્સે 2022ના મેગા ઓક્શનમાં 9 કરોડની કિંમતમાં ખરીદ્યો હતો. 2024 આઈપીએલમાં ગુજરાતે તેવટિયાને રિટેન કર્યો છે.