Queen Elizabethની શાહી અંદાજમાં અંતિમ વિદાય, દુનિયાના 100થી વધુ દેશોના રાષ્ટ્રાધ્યક્ષ રહ્યા હાજર
Queen Elizabeth II funeral : બ્રિટનમાં સૌથી લાંબા સમય સુધી રાજ કરનાર મહારાણી એલિઝાબેથ 2ના આજે અંતિમ સંસ્કાર છે. તેમની અંતિમ યાત્રા શાહી અંદાજમાં નીકળી હતી. તેમાં દુનિયાભરના લોકો સામેલ થયા હતા.
બ્રિટનના મહારાણી એલિઝાબેથ 2ના આજે અંતિમ સંસ્કાર કરવામાં આવશે. પૂરા રાજકીય સમ્માન સાથે તેમને અંતિમ વિદાય આપવામાં આવશે. તેના માટે દુનિયાના 100 દેશોના રાષ્ટ્રપતિ અને વડાપ્રધાન બ્રિટેન પહોંચ્યા છે.
મહારાણી એલિઝાબેથનું 96 વર્ષની ઉંમરે 8 સપ્ટેમ્બરના રોજ તેમના સ્કોટિશ નિવાસસ્થાન બાલમોરલ કેસલમાં નિધન થયું હતુ, જેનાથી સમગ્ર વિશ્વમાં શોકની લહેર ફેલાઈ ગઈ હતી.
મહારાણીના અંતિમ સંસ્કાર વચ્ચે બે મિનિટનું રાષ્ટ્રીય મૌન પાળવામાં આવ્યું હતું. બે મિનિટ માટે વેસ્ટમિન્સ્ટર એબી અને સમગ્ર બ્રિટનમાં શાંતિ છવાઈ ગઈ.
રાણી એલિઝાબેથ 2 ની રાજ્યકીય અંતિમવિધિ સેવા આજે યુનાઇટેડ કિંગડમના રાષ્ટ્રગીત અને પાઇપરના સાથે સમાપ્ત થઈ.
અમેરિકાના રાષ્ટ્રપતિ જો બાઈડેન અને વિશ્વના અન્ય નેતાઓ અંતિમ સંસ્કાર માટે લંડન પહોંચ્યા છે. રાણીના અંતિમ સંસ્કારમાં વિશ્વભરમાંથી લગભગ 500 રાજવીઓ, રાજ્ય અને સરકારના વડાઓને આમંત્રણ આપવામાં આવ્યું છે.
બ્રિટનના સૌથી લાંબા સમય સુધી સેવા આપનાર રાણી એલિઝાબેથ 2ના અંતિમ સંસ્કાર લંડનના વેસ્ટમિંસ્ટર એબી ખાતે શરૂ થઈ ગયા છે.તે સ્થળ 2000 લોકોથી ભરાઈ ગયુ હતુ.