PHOTOS: રાજકોટના આટકોટમાં વડાપ્રધાનનું 1008 મહિલાઓએ માથે કળશ-શ્રીફળ રાખી કર્યુ સ્વાગત
વડાપ્રધાન નરેન્દ્ર મોદીએ (Prime Minister Narendra Modi) રાજકોટના (Rajkot) આટકોટમાં મલ્ટીસ્પેશ્યાલિટી હોસ્પિટલનું ઉદઘાટન કર્યુ છે. વડાપ્રધાન નરેન્દ્ર મોદીનું આટકોટમાં ભવ્ય સ્વાગત કરવામાં આવ્યુ હતુ.
વડાપ્રધાન નરેન્દ્ર મોદીનું આટકોટમાં મહિલા શક્તિએ ભવ્ય સામૈયું કર્યું. પરંપરાગત બાંધણીની સાડીઓમાં સજ્જ એક હજાર આઠ બહેનો-માતાઓએ માથે કળશ અને શ્રીફળ રાખીને વડાપ્રધાન મોદીનું સ્વાગત કર્યું.
આટકોટના આસપાસના ગામમાંથી મોટી સંખ્યામાં PMના સ્વાગત કરવા માટે મહિલાઓ આવી હતી. અલગ અલગ ગામની મહિલાઓ વિવિધ ડ્રેસ કોડમાં જોવા મળી હતી.
આટકોટમાં હોસ્પિટલની મુલાકાત બાદ વડાપ્રધાન નરેન્દ્ર મોદી સભા સ્થળ સુધી જઈ રહ્યાં હતા. આ સમયે કતારબંધ એક હજાર આઠ બહેનો-માતાઓએ મોદીને આવકાર્યા.
રાજકોટમાં વડાપ્રધાન મોદીના કાર્યક્રમમાં મોટી સંખ્યામાં લોકોની હાજરી જોવા મળી હતી.
વડાપ્રધાનના સભા સ્થળ પર સાધુ સંતોની હાજરી પણ જોવા મળી હતી. વડાપ્રધાનને સાંભળવા સંતો પણ હાજર રહ્યા હતા.
આ સ્વાગતથી ઉત્સાહિત વડાપ્રધાને સભામાં સંબોધન દરમિયાન બહેનોનો ઋણ સ્વીકાર કર્યો હતો. આ પૂર્વે બનાસકાંઠામાં બનાસ ડેરીના એક પ્લાન્ટના ઉદઘાટન સમયે હજારો બહેનોએ ઓવારણાં લેતા વડાપ્રધાન મોદી ભાવુક બન્યા હતા.