Phone Tips : હવે નહીં ખરાબ થાય તમારો મોબાઈલ ફોન ! બસ ફોલો કરી લો આ ટિપ્સ, વર્ષો સુધી ચાલશે ફોન
આજે અમે તમને કેટલીક એવી ટિપ્સ જણાવવા જઈ રહ્યા છીએ જેને અનુસરીને તમે વર્ષો સુધી તમારા સ્માર્ટ ફોનનો ઉપયોગ કરી શકો છો.
બિનજરૂરી એપ્લિકેશનો દૂર કરો : બિનજરૂરી એપ્સ દૂર કરો, જેથી ફોનનું સ્ટોરેજ ફ્રી રહે અને પ્રોસેસર પરનો ભાર ઓછો થાય. તમારા ફોનનો સ્ટોરેજ હંમેશા ફ્રી રાખો. વધુ પડતો ડેટા સ્ટોર કરવાથી ફોનના પરફોર્મન્સ પર અસર પડે છે.
મેગ્નેટિક અને ઈલેક્ટ્રોનિક્સ ફીલ્ડથી બચાવો : ફોનને ચુંબક વાળી વસ્તુ અને જ્યાં વધુ પાવર આવતો હોય તેવા ઈલેક્ટ્રોનિક ક્ષેત્રોથી દૂર રાખો, કારણ કે આ ફોનની આંતરિક સર્કિટરીને નુકસાન પહોંચાડી શકે છે. તેમજ મોબાઈલ ફોનને ચુંબકવાળી જગ્યા પરથી પણ દૂર કરો નહીં તો તે જલદી તમારો ફોન ખરાબ કરી દેશે.
સૉફ્ટવેર અપડેટ્સ : તમારા ફોનના સોફ્ટવેર અને એપ્સને સમયાંતરે અપડેટ કરતા રહો. આનાથી ફોનનું પરફોર્મન્સ સુધરે છે અને સિક્યોરિટીની ખામીઓ પણ દૂર થાય છે. ફોનને નિયમિતપણે સાફ કરો, ખાસ કરીને સ્ક્રીન અને ચાર્જિંગ પોર્ટ. ફોનના પોર્ટમાં ગંદકી અને ધૂળને કારણે સમસ્યા થઈ શકે છે. આ સાથે ફોનને પાણી વાળી જગ્યા એથી પણ દૂર રાખો
લોકલ ચાર્જરનો ઉપયોગ ન કરો: જો તમને પણ ગમે તે ચાર્જરમાં ફોન મુકવાની આદત છે તો આજે સુધારી લેજો. ફોનને ચાર્જ કરવા તેની સાથે આવેલા કે કંપનીના ચાર્જરનો ઉપયોગ કરો. બજારમાં મળતા લોકલ ચાર્જર તમારા ફોનને જલદી ખરાબ કરી શકે છે.
Published On - 10:01 am, Sun, 11 August 24
