જો તમે શિયાળુ વેકેશનમાં ફરવા જવાનું વિચારી રહ્યાં છો, તો ઓછા બજેટમાં ભારતના આ સ્થળોની લો મુલાકાત
શિયાળાની ઋતુમાં વેકેશન પર જવાની એક અલગ જ મજા હોય છે. જો તમે પણ પરિવાર કે મિત્રો સાથે મસ્તીભરી ટ્રિપનું પ્લાનિંગ કરી રહ્યા છો, તો અમે તમને ભારતના કેટલાક સુંદર સ્થળો વિશે જણાવવા જઈ રહ્યા છીએ
જો તમે શિયાળાની ઋતુમાં ફરવાના શોખીન છો તો આ સમાચાર તમારા માટે છે. આ સિઝનમાં વેકેશન પર જવાની એક અલગ જ મજા છે. જો તમે પણ ફેમિલી કે મિત્રો સાથે મસ્તીભરી ટ્રિપનું પ્લાનિંગ કરી રહ્યા છો, તો અમે તમને ભારતના આવા જ કેટલાક સુંદર સ્થળો વિશે જણાવવા જઈ રહ્યા છીએ, જ્યાં તમે વેકેશનનું શાનદાર પ્લાનિંગ કરી શકો છો.
તવાંગઃ અરુણાચલ પ્રદેશમાં આવેલ તવાંગ શિયાળામાં ફરવા માટેનું એક ઓફબીટ સ્થળ છે. શિયાળામાં, બરફથી ઢંકાયેલ પર્વતો અને હિમાલયની ખીણો અહીં અદભૂત દૃશ્યો પ્રદર્શિત કરે છે.
બિનસર: બિનસર ગયા પછી અહીંથી પાછા જવાનું મન નહિ થાય. બિનસાર ઉત્તરાખંડનું એક ખૂબ જ સુંદર હિલ સ્ટેશન છે. અહીં શિયાળામાં પહાડોની સુંદરતા જોવાની એક અલગ જ મજા છે.
કચ્છનું રણ: ગુજરાતનું કચ્છનું રણ વિશ્વભરમાં પ્રખ્યાત છે. દર વર્ષે શિયાળામાં અહીં રણ ઉત્સવનું આયોજન કરવામાં આવે છે. પરંપરાગત સ્વાદિષ્ટ ખોરાક, હસ્તકલા અને રણની સફારી જેવી વસ્તુઓ આ સ્થાનને વધુ સુંદર બનાવે છે. વેકેશન પ્લાન કરવા માટે આ પરફેક્ટ પ્લેસ છે.
ગંગટોક: ગંગટોક એક ભવ્ય હિલ સ્ટેશન છે. ગંગટોકને જૂના ભારત-ચીન સિલ્ક રોડનું ઘર પણ કહેવામાં આવે છે. અહીં તમને દરેક જગ્યાએ હરિયાળી, શાંત તળાવો, રંગબેરંગી મઠો અને હિમાલયના સુંદર નજારા જોવા મળશે. અહીં તાપમાન 4 ડિગ્રીથી પણ નીચે જાય છે.