London News : નીરવ મોદી જે જેલમાં છે ત્યાંથી આતંકવાદી થયો ફરાર, શોધખોળ થઈ શરુ
કાઉન્ટર-ટેરરિઝમ કમાન્ડના વડા, કમાન્ડર ડોમિનિક મર્ફીએ જણાવ્યું હતું કે અમારા અધિકારીઓની એક ટીમ ખલીફાને શક્ય તેટલી ઝડપથી શોધવાનો પ્રયાસ કરી રહી છે. તેને કસ્ટડીમાં લેવા માટે મોટાપાયે ઓપરેશન હાથ ધરવામાં આવી રહ્યું છે.
લંડન જેલમાંથી એક આતંકવાદીના ભાગી જવાનો મામલો સામે આવ્યો છે. હીરાના વેપારી નીરવ મોદી પણ ત્રણ વર્ષથી વધુ સમયથી આ જેલમાં બંધ છે. તે ભારતમાં છેતરપિંડી સહિતના અનેક આરોપોમાં વોન્ટેડ છે.
આતંકવાદી ભાગી ગયા બાદ ગુરુવારે યુકેના એરપોર્ટ અને બંદરો પર સર્ચ ઓપરેશન હાથ ધરવામાં આવી રહ્યું છે.
ડેનિયલ આબેદ ખલીફ, અધિકૃત ગુપ્ત કાયદાના ભંગ બદલ દક્ષિણ-પશ્ચિમ લંડનની વેન્ડ્સવર્થ જેલમાં બંધ ટ્રાયલ કેદી, કથિત રીતે ડિલિવરી વાનમાં છુપાઈને ભાગી ગયો હતો.
આરોપી બ્રિટિશ આર્મીમાં પણ ફરજ બજાવી ચૂક્યો છે. મેટ્રોપોલિટન પોલીસના કાઉન્ટર-ટેરરિઝમ કમાન્ડે બુધવારે ફરાર શંકાસ્પદને શોધવામાં મદદ માટે અપીલ જારી કરી હતી.
કાઉન્ટર-ટેરરિઝમ કમાન્ડના વડા, કમાન્ડર ડોમિનિક મર્ફીએ જણાવ્યું હતું કે અમારા અધિકારીઓની એક ટીમ ખલીફાને શક્ય તેટલી ઝડપથી શોધવાનો પ્રયાસ કરી રહી છે. તેને કસ્ટડીમાં લેવા માટે મોટાપાયે ઓપરેશન હાથ ધરવામાં આવી રહ્યું છે.
Published On - 9:57 am, Fri, 8 September 23
