Gold rules: ઘરમાં કેટલું સોનું રાખી શકાય, જાણો શું છે કાયદો ?
Gold : સોનાને માત્ર ભારતમાં જ નહીં પરંતુ સમગ્ર વિશ્વમાં રોકાણનો સારો વિકલ્પ માનવામાં આવે છે. પરંતુ શું તમે તમારા ઘરમાં જોઈએ તેટલું સોનું રાખી શકો છો કે તેની કોઈ મર્યાદા છે? જાણો શું છે આને લગતો કાયદો...
છેલ્લા કેટલાક વર્ષોમાં સોનું જબરદસ્ત વળતર આપી રહ્યું છે. લોકોમાં હવે તે રોકાણની પ્રથમ પસંદગી બની રહ્યું છે. ભારતમાં પ્રાચીન સમયથી સોનું રોકાણનો સૌથી સરળ વિકલ્પ છે. પરંતુ શું તમે તમારા ઘરમાં જોઈએ તેટલું સોનું રાખી શકો છો કે પછી તેને લગતી કોઈ મર્યાદા અને કોઈ કાયદો છે?
ભારતમાં મોટાભાગના લોકો ઘરે સોનું રાખવાનું પસંદ કરે છે, જ્યારે ઘણા લોકો તેમના સોનાના દાગીના પણ બેંક લોકરમાં સુરક્ષિત રાખે છે. આવી સ્થિતિમાં સરકારે સોનું રાખવાની મર્યાદાને લઈને કેટલાક નિયમો પણ બનાવ્યા છે. તેમના વિશે જાણવું સારું છે.
સૌથી પહેલા તમને જણાવી દઈએ કે દેશમાં કોઈ વ્યક્તિ કેટલું સોનું રાખી શકે તેની કોઈ સીમા નથી. કોઈપણ વ્યક્તિ પોતાના ઘરમાં ઈચ્છે તેટલું સોનું રાખી શકે છે. જો કે તે સોનું ખરીદવા માટે પૈસા ક્યાંથી મેળવ્યા તેનો તેની પાસે ચોક્કસ પુરાવા સાથે જવાબ હોવો જરૂરી છે.
સીબીડીટીના નિયમો અનુસાર પરિણીત મહિલા કોઈપણ પુરાવા (બિલ)વગર પોતાના ઘરે લગભગ 500 ગ્રામ સોનું રાખી શકે છે. જ્યારે અપરિણીત મહિલાઓ માટે આ મર્યાદા 250 ગ્રામ છે. જ્યારે પુરૂષો પુરાવા વગર માત્ર 100 ગ્રામ સોનું પોતાની પાસે રાખી શકે છે.
દેશમાં સોનાની ખરીદી પર 3 ટકા GST પહેલેથી જ વસૂલવામાં આવે છે, પરંતુ સેન્ટ્રલ બોર્ડ ઑફ ડાયરેક્ટ ટેક્સિસ (CBDT) અનુસાર જે આવકવેરા વિભાગ માટે નીતિઓ બનાવે છે, તમે તમારી જાહેર કરેલી આવકમાંથી જેટલું ઇચ્છો તેટલું સોનું ખરીદી શકો છો. તમારે આના પર કોઈ અલગથી ટેક્સ ભરવાની જરૂર નથી. તમારે તમારા ટેક્સ સ્લેબ મુજબ આવકવેરો ચૂકવવો પડશે.
જો તમને તમારા પૂર્વજો પાસેથી સોનું વારસામાં મળ્યું હોય અથવા તે તમારી બચત જેટલું હોય, તો પણ તેને કરમાંથી મુક્તિ મળી શકે છે. આ રીતે જમા કરાયેલા સોના પર તમારે કોઈ ટેક્સ ચૂકવવો પડતો નથી.
Published On - 5:09 pm, Mon, 5 May 25
