Explainer : કેટલા પ્રકારનું હોય છે સોનું ? ક્યું GOLD સૌથી શ્રેષ્ઠ ?
GOLd types: રંગ અને કેરેટના આધારે વિશ્વભર સોનાના લગભગ 15 થી વધુ પ્રકાર ઉપલબ્ધ છે. ભારતમાં, મુખ્યત્વે પીળું સોનું લોકપ્રિય છે અને તેને ઘરેણાંના રૂપમાં પહેરવામાં આવે છે. પરંતુ વિશ્વના વિવિધ દેશોમાં, સફેદ, કાળું, પીળું, લીલુ, જાંબલી અને ગુલાબી જેવા અનેક રંગોના સોનાનો ઉપયોગ થાય છે.
24 કેરેટ સોનું: તે સૌથી શુદ્ધ સોનું છે અને તેમાં બીજી કોઈ ધાતુ નથી. સ્થાનિક અને આંતરરાષ્ટ્રીય બજારોમાં 24 કેરેટ સોનું ઉપલબ્ધ છે. તે રોકાણ માટે સારું માનવામાં આવે છે. 24 કેરેટ સોનું ટકાઉ નથી, તેથી ઘરેણાં બનાવવા માટે તેનો ઓછો ઉપયોગ થાય છે.
22 કેરેટ સોનું: તેમાં 91.7% સોનું હોય છે. તેને 916 ગોલ્ડ પણ કહેવામાં આવે છે. સામાન્ય રીતે ઘરેણાં બનાવવા માટે 22 કેરેટ સોનાનો ઉપયોગ થાય છે.18 કેરેટ સોનું: તેમાં 75% સોનું હોય છે. 14 કેરેટ સોનું: તેમાં 58.3 % સોનું હોય છે. તે ટકાઉ છે અને રોજિંદા ઉપયોગ માટે યોગ્ય માનવામાં આવે છે.10 કેરેટ સોનું: તેમાં 41.7 % સોનું હોય છે.
સોનાની શુદ્ધતા સરળતાથી ચકાસી શકાય છે. સોનાની ગુણવત્તા અને શુદ્ધતા ચકાસવા માટે સરકારે ત્રણ પરિમાણો નક્કી કર્યા છે. પહેલું BIS સ્ટાન્ડર્ડ હોલમાર્ક છે, બીજું કેરેટ છે, અને ત્રીજું 6-અંકનો કોડ છે, જેમાં અંગ્રેજી અક્ષરો અને સંખ્યાઓ બંનેનો સમાવેશ થાય છે. આ કોડ દરેક ઘરેણાં માટે અલગ છે. આનાથી અસલી અને નકલી ઓળખી શકાય છે.
