Real Estate Documents : શું તમે ઘર કે જમીન ખરીદવા જઈ રહ્યા છો ? આટલા દસ્તાવેજો જરૂરથી ચકાસજો નહીંતર…
ભારતમાં મિલકતને લઈને છેતરપિંડી અને તેને લગતા વિવાદો સામાન્ય છે, તેથી કોઈપણ હસ્તાક્ષર (Signature) કરતા પહેલા દરેક દસ્તાવેજને સંપૂર્ણ રીતે તપાસવું મહત્વપૂર્ણ છે. એવામાં ચાલો જાણીએ કે, ઘર કે જમીન ખરીદતી વખતે કયા કયા દસ્તાવેજ પર ખાસ આપવું જોઈએ...
જો તમે કોઈ પ્રોજેક્ટમાં પ્લોટ કે ઘર ખરીદી રહ્યા છો, તો ખાતરી કરો કે બિલ્ડરને સ્થાનિક વિકાસ સત્તામંડળ અથવા મ્યુનિસિપલ કોર્પોરેશન (Local Development Authority or Municipal Corporation) તરફથી બધી મંજૂરીઓ મળી ગઈ છે. મંજૂર થયેલ પ્લાન (Approved Building Plan) જરૂરથી ચેક કરો અને જુઓ કે ખરેખરમાં બાંધકામ તે મુજબ થઈ રહ્યું છે કે નહીં. જો બિલ્ડરે પ્લાનથી અલગ કોઈ ગેરકાયદેસર ફેરફારો કર્યા હોય, તો આગળ જઈને તમને દંડ અથવા તોડી પાડવા (Demolition) ની નોટિસ મળી શકે છે.
બાકી ટેક્સ અથવા વીજળી-પાણીના બિલ ભવિષ્યમાં તમારા માટે મુશ્કેલી ઊભી કરી શકે છે. આથી, વેચનાર પાસેથી તાજેતરની ટેક્સની રસીદો અને વીજળી-પાણીના બિલની ચુકવણીના પુરાવાઓ અવશ્ય લો. આનાથી એ સ્પષ્ટ થશે કે, મિલકત સ્થાનિક સંસ્થા (Local Body) માં યોગ્ય રીતે નોંધાયેલી છે.
જો મિલકત હાલમાં બાંધકામ હેઠળ છે, તો તપાસો કે પ્રોજેક્ટનું નામ રાજ્યની RERA વેબસાઇટ પર નોંધાયેલ છે કે નહીં. RERA રજીસ્ટ્રેશનનો અર્થ એ છે કે, બિલ્ડરોએ સ્થાપિત નિયમોનું પાલન કરવું જોઈએ અને ખરીદદારોને વધુમાં કાનૂની સુરક્ષા મળશે. આ એક નાનું પગલું છે, જે પાછળથી મોટા વિવાદોને અટકાવી શકે છે.
એક અનુભવી મિલકત સ્પેશિયાલિસ્ટ વકીલની સલાહ લો. તે દસ્તાવેજોની સંપૂર્ણ તપાસ કરશે તેમજ 'Agreement to Sell' થી લઈને 'Sale Deed' સુધીની બધી માહિતી ચકાસશે.
Published On - 3:49 pm, Sat, 18 October 25
