મુંબઈમાં વરસાદ બન્યો આફત ! ડૂબી ગાડીયો, ટ્રેનના રુટ પણ બદલાયા, બચાવ કામગીરી શરુ, જુઓ-તસવીરો
મહારાષ્ટ્રની રાજધાની મુંબઈમાં આજે ભારે વરસાદ પડી રહ્યો છે. પાણી ભરાવાના કારણે લોકોને ભારે મુશ્કેલીનો સામનો કરવો પડી રહ્યો છે. રસ્તાઓ અને રેલવે ટ્રેક પર પાણી ભરાયા છે. મુંબઈ તેમજ મહારાષ્ટ્રના થાણે, પાલઘર, રાયગઢ અને રત્નાગીરી જિલ્લામાં યલો એલર્ટ જારી કરવામાં આવ્યું છે.
વિદ્યાર્થીઓને અસુવિધા ટાળવા માટે, મુંબઈ (BMC વિસ્તાર)ની તમામ BMC, સરકારી અને ખાનગી શાળાઓ અને કોલેજોમાં પ્રથમ સત્ર માટે રજા જાહેર કરવામાં આવી છે. NDRFએ થાણેના શાહપુરમાં પાણીમાં ફસાયેલા 49 લોકોને બચાવ્યા. થાણેમાં ગઈકાલથી NDRF દ્વારા કુલ 49 લોકોને બચાવી લેવામાં આવ્યા છે.
રાજ્યના વિવિધ ભાગોમાં વરસાદની આ સ્થિતિને ધ્યાનમાં રાખીને નાગરિકોને સાવચેત રહેવા અને જરૂરી સાવચેતી રાખવાની સલાહ આપવામાં આવી છે. અસરગ્રસ્ત વિસ્તારોમાં રાહત અને બચાવ કામગીરી માટે વહીવટીતંત્ર દ્વારા તૈયારીઓ કરવામાં આવી રહી છે. જેથી કોઈ અપ્રિય ઘટનાને ટાળી શકાય.
હવામાન વિભાગે કહ્યું કે આગામી ત્રણથી ચાર દિવસ સુધી વરસાદ યથાવત રહેશે. મધ્ય મહારાષ્ટ્ર અને મરાઠવાડામાં 8મીથી 10મી જુલાઈ દરમિયાન મુશળધાર વરસાદની શક્યતા છે. મુંબઈ અને તેની આસપાસના વિસ્તારોમાં પૂર જેવી સ્થિતિ છે. તેમની કેટલીક તસવીરો પણ સામે આવી છે.
Published On - 10:57 am, Mon, 8 July 24
