Photos : ગીર સોમનાથમાં મનો દિવ્યાંગ યુવક-યુવતી બંધાયા લગ્નના તાંતણે, પરિવારે ધામધૂમથી કરાવ્યા લગ્ન
Gir Somnath News : લગ્ન એક પવિત્ર બંધન છે, ત્યારે વર અને કન્યા સરખી જોડી મળે તેવુ માતા પિતા ઇચ્છતા હોય છે. ત્યારે મનો દિવ્યાંગતા ધરાવતા એક યુવક અને યુવતીના માતા-પિતાની પ્રાર્થના ભગવાને સાંભળી છે.
કહેવાય છે કે જોડી તો ભગવાન બનાવતા હોય છે. આ વાત ગીર સોમનાથના કાજલી ગામે સાચી પડતી જોવા મળી રહી છે. વેરાવળના કાજલી ગામે મનો દિવ્યાંગતા ધરાવતા યુવક અને યુવતી લગ્નગ્રંથિ જોડાયા છે.
લગ્ન એક પવિત્ર બંધન છે, ત્યારે વર અને કન્યા સરખી જોડી મળે તેવુ માતા પિતા ઇચ્છતા હોય છે. ત્યારે મનો દિવ્યાંગતા ધરાવતા એક યુવક અને યુવતીના માતા-પિતાની પ્રાર્થના ભગવાને સાંભળી છે અને યુવક-યુવતીનું દાંપત્ય જીવન શરુ થયુ છે.
સુત્રાપાડા તાલુકાના વિરોદર ગામે રહેતા ગાંગાભાઈ ચાવડાના પુત્ર દિનેશભાઈ બોલી તેમજ સાંભળી શકતા નથી. તો માધાભાઈ રાઠોડની પુત્રી સવિતા પણ ખૂબ ઓછુ સાંભળે છે અને તેને બોલવામાં પણ તકલીફ પડે છે.
વેરાવળ તાલુકાના કાજલી ગામે માનસિક રીતે દિવ્યાંગતા ધરાવતા વર અને કન્યા લગ્ન ગ્રંથિથી જોડાયા છે.સુત્રાપાડા તાલુકાના વિરોદર ગામેથી ડીજેના તાલે જાન આવી પહોંચી હતી.
સવિતા સાથે લગ્ન કરવા માટે દિનેશભાઇ કારમાં સવાર થઇને ડીજેના તાલ સાથે કાજલી ગામ આવી પહોંચ્યા હતા. આ યુવક-યુવતીએ હિંદુ સંસ્કૃતિ મુજબ એક બીજાનો સાથ આપવાના વચન લીધા છે. બંનેના ચહેરા પર ખુશી જોવા મળી રહી છે.