તમે જોયું છે કેરીનું સુરક્ષા કવચ ? આ પ્રયોગે ખેડૂતોને કેરીની આવક કરી આપી બમણી
બેગિંગ પધ્ધતિ થી ખેડૂતો આ બજારમાં મળી રહેલા પાકના સારા ભાવ પણ મેળવી રહ્યા છે. આમ પેપર બેગ ખેડૂતોને ચમત્કારિક ફાયદાઓ આપી અભેદ સુરક્ષા આપી રહી છે.
જ્યારે એપ્રિલ મહિના બાદ ગરમીનું પ્રમાણ વધતું હોય છે ત્યારે કેરી પર વધુ પડતો તડકો જેને સન સ્ટોક કહી શકાય છે જે ૩૫ ડિગ્રી ઉપર જતા કેરી ઉપર તડકો પડવાથી કાળા ડાઘા પડે છે સાથે કેરીનું ખરણ પણ થાય છે તો બીજી તરફ છેલ્લા કેટલાક વર્ષોથી માવઠા અથવા ઝાકળ પડવાથી કેરીને વ્યાપક નુકસાન થતું હોય છે.
મધિયો નામની જીવાત અને કાળી ફૂગ આંબાના પાન પર પડેલી હોય છે જે વરસાદ અથવા તો ઝાકળ પડવાથી તે સીધું પાણી મારફતે કેરી પર પડે જેથી એ જીવાત ફળમાં પ્રવેશ કરી ફળને નુકસાન કરે છે. જેને કારણે ખેડૂતોને કેરીનો ભાવ માર્કેટમાં ઓછો મળતા ખેડૂતોને ભારે નુકસાની વેઠવાનો વારો આવતો છે.
ચિખલીના ખેડૂતે કૃષિ યુનિવર્સિટીના સહયોગથી પુના થી 2 રૂપિયા 25 પૈસા કિંમતની વિશેષ પ્રકારની બેગ મંગાવી કેરીના પાક પર સુરક્ષા કવચ રૂપ બેગીંગ સિસ્ટમ કરી કેરીના સારી ગુણવત્તા વાળા પાકનું ઉત્પાદન કર્યું છે.
નવસારી એગ્રીકલ્ચર યુનિવર્સિટીના માધ્યમથી આ બેગિંગ સિસ્ટમની પદ્ધતિ અપનાવી પાક રક્ષણની સાથે માલની આવકમાં મને 40% નો વધારો થયો છે સાથે એક્સપોર્ટ ક્વોલિટીનો મબલક માલ નું ઉત્પાદન થયું છે
