લંડનમાં ગુજરાતી ગરબા ગવાશે ! મુળ ગુજરાતી પ્રીતિ વરસાણીયાના સૂર ગુંજશે લંડનની મહારાણી એલિજાબેથના કાર્યક્રમમાં
આ કાર્યક્રમમાં અનેક દેશ-વિદેશોના અનેક નામી કલાકારો પોત પોતાના દેશની સાંસ્કૃતિક કલાની ઝાંખી કરાવશે.આ કાર્યક્રમના અંતિમ દિવસે રવિવારે મહારાણી એલિઝાબેથ ઉપસ્થિત રહી બ્રિટનના લોકો ને પ્રોત્સાહિત કરશે.
આજથી લંડનના રાજવી પરીવારના મહારાણી એલિઝાબેથને બ્રિટનની ગાદી સંભાળ્યાના 70 વર્ષ થઈ રહ્યા છે, એ નિમિતે બ્રિટન શાહી ખાનદાન પ્લેટેનિયમ જ્યુબીલી વર્ષ મનાવવી રહ્યું છે. જેમાં ચાર દિવસના રંગારંગ કાર્યક્રમોનુ આયોજન કરવામાં આવી રહ્યું છે.
આ કાર્યક્રમમાં મુળ ગુજરાતની ગાયિકા પણ પર્ફોમન્સ કરતી જોવા મળશે. લંડન પેલેસ પ્રીમાઇસિસ એરીયા માં વિન્ડસર કેસલ ખાતે યોજાનાર આ કાર્યક્રમમાં મુળ કચ્છના નારાણપર અને હાલ લંડન રહેતી સિંગર પ્રીતિ વરસાણી પણ પોતાના સૂર રેલાવશે.
ચાર દિવસ ચાલનારા આ પ્લેટિનમ જ્યુબીલી કાર્યક્રમમાં દુનિયાભર ના ખ્યાતનામ એક હજાર કલાકારોમાં મુળ કચ્છની પ્રીતિ વરસાણીની પસંદગી કરવામાં આવી છે અન્ય એક બોલીવુડ પ્લબેક સિંગર જાઝ ધામીનો પણ સમાવેશ કરવામાં આવ્યો છે.
છેલ્લા ઘણાં વર્ષો થી લંડનમાં ગુજરાતી કલ્ચર અને સંસ્કૃતિને લઈ ને યુવાનો માં ઉદાસીનતા દેખાતી હતી તેવા માં પ્રીતિ વરસાણી , મ્યુઝીક પ્રોડ્યુસર પર્લ પટેલ અને કથક અદાકાર મીરાં સલાટ આ ત્રણેય એ 2016માં લંડન ખાતે " રંગીલો ગુજરાત " ના શિર્ષક હેઠળ ગુજરાતમાંથી 60 થી 65 ઉમદા કલાકારો લંડન બોલાવીને ત્યાં ગુજરાતી લોકો ને પોતાની સંસ્કૃતિ અને કલા ના દર્શન કરાવ્યા હતા.
આ કાર્યક્રમમાં અનેક દેશ-વિદેશોના અનેક નામી કલાકારો પોત પોતાના દેશની સાંસ્કૃતિક કલાની ઝાંખી કરાવશે.આ કાર્યક્રમના અંતિમ દિવસે રવિવારે મહારાણી એલિઝાબેથ ઉપસ્થિત રહી બ્રિટનના લોકો ને પ્રોત્સાહિત કરશે.
Published On - 1:31 pm, Sat, 14 May 22