Plant In Pot : પ્રિયતમાને પ્રપોઝ કરવા આજે જ ઘરે ઉગાડો ગુલાબનો છોડ, જુઓ તસવીરો
ગુલાબનું ફૂલ તેની સુગંધ માટે ખૂબ જ લોકપ્રિય છે.આ ફૂલ ભગવાનની પૂજામાં પણ ઉપયોગ કરવામાં આવે છે.આ સાથે જ ગુલાબના ફૂલથી અનેક વસ્તુઓ બનાવી શકાય છે. તેનાથી ગુલાબજળ, ગુલકંદ સહિતની વસ્તુઓ બનાવી શકાય છે. તો આજે જાણીએ કે ઘરે ગુલાબનો છોડ કેવી રીતે ઉગાડી શકાય.
ગુલાબનો છોડ ઘરે ઉગાડવો ખૂબ જ સરળ છે. આ છોડને ઉગાડવા માટે સૌથી પહેલા એક કૂંડુ લો. ધ્યાન રાખો કે કૂંડામાં છિદ્ર હોવુ જોઈએ.જેથી કૂંડામાં પાણી ભરાઈ ન રહે.
ત્યાર બાદ માટીમાં છાણિયુ ખાતર અને રેતી ભેળવીને કૂંડામાં ભરી લો. માટીને ભીની કરીને થોડા સમય માટે રહેવા દો. ત્યાર બાદ માટીમાં 3-4 ઈંચની ઉંડાઈએ ગુલાબની ડાળી રોપી દો.
ગુલાબનો છોડને એવી જગ્યાએ રાખો જ્યાં પૂરતા પ્રમાણમાં સૂર્યપ્રકાશ મળી રહે. જેથી છોડનો વિકાસ સારી રીતે થાય છે. તેમજ છોડમાં ઉચિત પ્રમાણમાં પાણી નાખો.
જો ગુલાબના છોડમાં ફૂગ હોય તો ફૂગના ભાગને કાપીને કાઢી નાખો.નહીંતર આખા છોડને નુકસાન થઈ શકે છે. તમે છોડમાં જંતુનાશક દવાનો છંટકાવ કરી શકો છો. ( All Pic - gettyimages )
વરસાદની ઋતુમાં કેળાની છાલનું પાણી રેડવાથી ગુલાબના છોડમાં ફૂલ ખીલવા લાગે છે. હવે થોડા જ સમયમાં ગુબાલના ફૂલ ઉગવા લાગશે. (આ માહિતી માત્ર જાણકારી માટે આપવામાં આવે છે.આ અંગે કૃષિ નિષ્ણાતોની સલાહ લેવી )