OMG: લગ્ન માટે વરરાજાના ઘરે દુલ્હનના ધરણા, કહ્યુ ‘ જીવિત છું ત્યાં સુધી અહીં બેસીશ’
ભરતપુરમાં લગ્ન માટે કન્યાએ વરરાજાના ઘર આગળ ધરણા શરૂ કર્યા છે. દુલ્હનના પિતાએ આરોપ લગાવ્યો છે કે વરરાજાના પરિવાર તરફથી સતત દહેજની માંગ કરવામાં આવી હતી, જે પુરી ન થતાં લગ્નનો ઇનકાર કરવામાં આવ્યો હતો.
રાજસ્થાનના ભરતપુર જિલ્લામાંથી લગ્ન સાથે જોડાયેલો એક અજીબોગરીબ કિસ્સો સામે આવ્યો છે.અહેવાલો મુજબ, લગ્ન દરમિયાન વરરાજા ન આવતા ગુસ્સે થયેલી દુલ્હન વરરાજાના ઘરની સામે ધરણા પર બેસી ગઈ છે.
દુલ્હનના પિતાએ આ મામલે વરરાજાના સંબંધીઓ વિરુદ્ધ મથુરા ગેટ પોલીસ સ્ટેશનમાં કેસ પણ નોંધાવ્યો છે.
માહિતી અનુસાર,ભરતપુરની હાઉસિંગ બોર્ડ કોલોનીમાં રહેતા મહેશચંદની દીકરી ખુશ્બૂના લગ્ન પ્રિન્સ નગરમાં રહેતા વીરેન્દ્ર કુંતલના પુત્ર કુશલ કુમાર સાથે નક્કી થયા હતા.
તમને જણાવી દઈએ કે, ખુશ્બૂ અને પ્રિન્સની 29 નવેમ્બરે સગાઈ થઈ હતી.તેમજ તેના લગ્ન 4 માર્ચેના રોજ થવાના હતા.
દુલ્હનના પિતાએ આરોપ લગાવ્યો છે કે વરરાજાના પરિવાર તરફથી સતત દહેજની માંગ કરવામાં આવી રહી હતી, જે પુરી ન થતાં તેણે લગ્ન કરવાની ના પાડી દીધી હતી. બીજી તરફ દુલ્હનના ધરણાને લઈને સ્થળ પર મહિલા પોલીસકર્મીઓ પણ તૈનાત કરવામાં આવી છે.