Gold Rate Today: દેશ અને વિદેશમાં સોનુ બન્યું રોકેટ, આ 3 કારણોથી સોનામાં આવી રહી છે તેજી
Gold Rate today:2025 માં સોનામાં જબરદસ્ત વધારો જોવા મળ્યો છે. સાડા ત્રણ મહિનામાં તેનું વળતર 15 ટકાથી વધુ રહ્યું છે.15 એપ્રિલે દિલ્હી બુલિયન માર્કેટમાં સોનાનો ભાવ 96,450 રૂપિયા પ્રતિ 10 ગ્રામ પર પહોંચી ગયો. હવે કિંમત 1 લાખ રૂપિયાની ખૂબ નજીક પહોંચી ગઈ છે.
રોકાણકારો ફક્ત ભૌતિક સોનું જ નહીં, પરંતુ ગોલ્ડ ETF (એક્સચેન્જ ટ્રેડેડ ફંડ)માં પણ રોકાણ કરી રહ્યાં છે. ગોલ્ડ ETFએ અન્ય ઘણા એસેટ્સ કરતાં વધારે રિટર્ન આપ્યું છે. વર્ષ 2024માં ગોલ્ડ ETFનો સરેરાશ રિટર્ન 20% રહ્યો છે. ગોલ્ડમાં આવી તેજીની સૌથી મોટી પાછળની વાસ્તવિકતા વૈશ્વિક અર્થતંત્રમાં રહેલી અનિશ્ચિતતા છે, જેમાં સૌથી મોટો હિસ્સો અમેરિકી પ્રમુખ ડોનાલ્ડ ટ્રમ્પની ટેરીફ પોલિસીનો છે.
વિશ્વભરની મધ્યસ્થ બેંકોએ ગોલ્ડમાં પોતાની ખરીદીમાં વધારો કર્યો છે. ભારતીય રિઝર્વ બેંક (RBI)એ વર્ષ 2024માં પોતાના ગોલ્ડ રિઝર્વમાં 72.6 ટનનો વધારો કર્યો છે, જેના કારણે તેનો કુલ ગોલ્ડ રિઝર્વ 876.18 ટન સુધી પહોંચી ગયો છે.
વિશ્વમાં રશિયા-યુક્રેન યુદ્ધ યથાવત છે, મધ્ય પૂર્વમાં ઇઝરાયેલ અને ફિલિસ્તીન વચ્ચેનો તણાવ યથાવત છે, અને હવે અમેરિકાની ચીન સાથે નવી આર્થિક લડાઈ શરૂ થતી જણાઈ રહી છે. આ બધાના કારણે રોકાણકારો સલામત રોકાણ તરીકે સોનાની તરફ વળી રહ્યાં છે.
જેમ જેમ અમેરિકાના ટેરીફ વોરની અસર સમગ્ર વિશ્વના સ્ટોક માર્કેટ્સ પર પડી રહી છે, તેમ તેમ ગ્લોબલ ઈકોનોમી વધુ અનિશ્ચિત બની રહી છે. અનેક દેશો ટેરીફ મુદ્દે અમેરિકાની સાથે ચર્ચા કરી રહ્યાં છે, પરંતુ તેની ખરેખર કેટલી અસર પડશે એ કહેવું મુશ્કેલ છે.
તમારે શું કરવું જોઈએ? હાલ સોનાની કિંમતો રેકોર્ડ ઊંચાઈ પર છે. એટલે કે અહીંથી કંઈક નફો કાઢવા માટેનો મોકો બની શકે છે. શક્ય છે કે નફો વસુલવાની પ્રવૃત્તિથી સોનાની કિંમતમાં થોડી ઘટ આવે. આવી તબક્કાવાર ઘટીને રોકાણ માટેના મોકા તરીકે જોવી જોઈએ. નિષ્ણાતોનું માનવું છે કે તમારા રોકાણ પોર્ટફોલિયોમાં 10-15% હિસ્સો સોનામાં હોવો જોઈએ. આ પોર્ટફોલિયોને ડાયવર્સિફાય કરે છે અને શેર બજારમાં ઘટાડો થયો હોય ત્યારે પોર્ટફોલિયોને સુરક્ષિત રાખે છે.
