Gold Price Today : સતત બીજા દિવસે ઘટ્યો સોનાનો ભાવ, ચાંદીમાં પણ થોડો ઘટાડો, જાણો આજની લેટેસ્ટ કિંમતો
એક અઠવાડિયામાં 24 કેરેટ સોનામાં ₹260નો વધારો થયો હતો, પણ આજે સોનાના ભાવમાં થોડો ઘટાડો નોંધાયો છે. 21 ડિસેમ્બરે, રાજધાની દિલ્હીમાં 24 કેરેટ સોનાનો ભાવ ₹134,330 પ્રતિ 10 ગ્રામ હતો. આંતરરાષ્ટ્રીય બજારમાં સોનાનો હાજર ભાવ $4,322.51 પ્રતિ ઔંસ છે. ચાલો જાણીએ દેશના કેટલાક મુખ્ય શહેરોમાં સોનાના ભાવ...
આ સાથે અમદાવાદ, સુરત, રાજકોટ, અને વડોદરામાં 22 કેરેટ સોનાનો ₹1,23,050 છે. 24 કેરેટ સોનાનો ભાવ પ્રતિ 10 ગ્રામ ₹1,34,230 પર પહોંચી ગયો છે.
ચાંદીના ભાવમાં સાપ્તાહિક ધોરણે મોટો વધારો જોવા મળ્યો છે. એક અઠવાડિયામાં ચાંદીમાં ₹16,000નો વધારો થયો છે. 21 ડિસેમ્બરે ભાવ ₹214,000 પ્રતિ કિલોગ્રામ હતો. વિદેશી બજારોમાં ચાંદીનો હાજર ભાવ પ્રતિ ઔંસ $65.85 પર પહોંચી ગયો છે. આ વર્ષે અત્યાર સુધીમાં ચાંદીના ભાવમાં 126 ટકાનો વધારો થયો છે.
ફેડરલ રિઝર્વના ગવર્નર ક્રિસ્ટોફર વોલરે વધુ વ્યાજ દર ઘટાડાને ટેકો આપ્યો હતો, પરંતુ એમ પણ કહ્યું હતું કે નીતિ નિર્માતાઓ સાવધાનીપૂર્વક આગળ વધી શકે છે. યુએસ શ્રમ ડેટામાં વધુ નરમાઈનો સંકેત મળ્યા બાદ તેમની ટિપ્પણી આવી છે.
ANZ માને છે કે આવતા વર્ષના મધ્ય સુધીમાં સોનું $4,600 પ્રતિ ઔંસ સુધી પહોંચી જશે. DSP મેરિલ લિંચ પણ માને છે કે સોનાની તેજી હજુ સુધી સમાપ્ત થઈ નથી.
