Gold Price Today: એક જ અઠવાડિયામાં 7,040 રુપિયા મોંઘુ થયું સોનું, ચાંદીમાં 37000નો વધારો, જાણો લેટેસ્ટ કિંમત
એક અઠવાડિયામાં 24 કેરેટ સોનામાં ₹7,040નો વધારો થયો છે. તેમજ 22 કેરેટ સોનાના ભાવમાં ₹6,450નો વધારો થયો છે. 28 ડિસેમ્બરે, રાજધાની દિલ્હીમાં 24 કેરેટ સોનાનો ભાવ ₹1,41,370 પ્રતિ 10 ગ્રામ થયો છે.
આ સાથે અમદાવાદ, સુરત, રાજકોટ, અને વડોદરામાં 22 કેરેટ સોનાનો ₹1,29,500 છે. 24 કેરેટ સોનાનો ભાવ પ્રતિ 10 ગ્રામ ₹1,41,270 પર પહોંચી ગયો છે.
ચાંદીમાં સાપ્તાહિક ધોરણે નોંધપાત્ર વધારો જોવા મળ્યો છે. એક અઠવાડિયામાં ભાવ ₹37,000નો વધારો થયો છે. 28 ડિસેમ્બરે ચાંદીનો ભાવ પ્રતિ કિલોગ્રામ 2,51,000 રૂપિયા થયો છે. આ વર્ષે અત્યાર સુધીમાં સ્થાનિક બજારમાં ચાંદીના ભાવ 163.5 ટકા વધ્યા છે. વિદેશી બજારોમાં હાજર ભાવ પ્રતિ ઔંસ 75.63 ડોલરના નવા રેકોર્ડ સ્તરે પહોંચી ગયા છે. મજબૂત ઔદ્યોગિક માંગ, સલામત ખરીદી અને વૈશ્વિક પુરવઠાની સતત અછત આ વધારા પાછળના મુખ્ય પરિબળો છે.
ફેડરલ રિઝર્વના ગવર્નર ક્રિસ્ટોફર વોલરે વધુ વ્યાજ દર ઘટાડાને ટેકો આપ્યો હતો, પરંતુ એમ પણ કહ્યું હતું કે નીતિ નિર્માતાઓ સાવધાનીપૂર્વક આગળ વધી શકે છે. યુએસ શ્રમ ડેટામાં વધુ નરમાઈનો સંકેત મળ્યા બાદ તેમની ટિપ્પણી આવી છે.
ANZ માને છે કે આવતા વર્ષના મધ્ય સુધીમાં સોનું $4,600 પ્રતિ ઔંસ સુધી પહોંચી જશે. DSP મેરિલ લિંચ પણ માને છે કે સોનાની તેજી હજુ સુધી સમાપ્ત થઈ નથી.
Published On - 8:33 am, Sun, 28 December 25
