Gold Price Today: એક જ અઠવાડિયામાં ₹4640 રુપિયા મોંઘુ થયું સોનું, ચાંદીમાં પણ 19000 રુપિયાનો વધારો
એક અઠવાડિયામાં 24 કેરેટ સોનામાં ₹4,640નો વધારો થયો છે. 22 કેરેટ સોનાના ભાવમાં ₹4,250નો વધારો થયો છે. વર્તમાન ભાવોના આધારે, 11 જાન્યુઆરી, 2026 ના રોજ, રાજધાની દિલ્હીમાં 24 કેરેટ સોનાનો ભાવ ₹140,610 પ્રતિ 10 ગ્રામ હતો.
ભારતમાં સોનાના ભાવમાં સાપ્તાહિક ધોરણે નોંધપાત્ર વધારો જોવા મળ્યો છે. એક અઠવાડિયામાં 24 કેરેટ સોનામાં ₹4,640નો વધારો થયો છે. 22 કેરેટ સોનાના ભાવમાં ₹4,250નો વધારો થયો છે. વર્તમાન ભાવોના આધારે, 11 જાન્યુઆરી, 2026 ના રોજ, રાજધાની દિલ્હીમાં 24 કેરેટ સોનાનો ભાવ ₹140,610 પ્રતિ 10 ગ્રામ હતો. આંતરરાષ્ટ્રીય બજારમાં સોનાનો હાજર ભાવ $4,479.38 પ્રતિ ઔંસ છે. ચાલો દેશના કેટલાક મુખ્ય શહેરોમાં સોનાના ભાવ પર એક નજર કરીએ...
દિલ્હીમાં 11 જાન્યુઆરીના રોજ 10 ગ્રામ સોનાના ભાવમાં ફરી વધારો થયો છે. આજે દિલ્હીમાં 24 કેરેટ સોનાનો ભાવ ₹1,40,610 રૂપિયા પર છે. જ્યારે 22 કેરેટનો ભાવ ₹1,28,900 રૂપિયા પર છે.
હાલમાં, મુંબઈ, ચેન્નાઈ અને કોલકાતામાં 22 કેરેટ સોનાનો ભાવ પ્રતિ 10 ગ્રામ ₹1,28,750 રૂપિયા છે, જ્યારે 24 કેરેટ સોનાનો ભાવ ₹1,40,460 રૂપિયા છે.
આ સાથે અમદાવાદ, સુરત, રાજકોટ, અને વડોદરામાં 22 કેરેટ સોનાનો ₹1,28,800 છે. 24 કેરેટ સોનાનો ભાવ પ્રતિ 10 ગ્રામ ₹1,40,510 પર પહોંચી ગયો છે.
ચાંદીમાં પણ સાપ્તાહિક ધોરણે વધારો જોવા મળી રહ્યો છે. એક અઠવાડિયામાં ભાવ ₹19,000 વધ્યા છે. 11 જાન્યુઆરીની સવારે ચાંદીના ભાવ ₹260,000 પ્રતિ કિલોગ્રામ પર પહોંચી ગયા હતા. વિદેશી બજારોમાં હાજર ભાવ ઔંસ દીઠ $76.92 હતો.
ફેડરલ રિઝર્વના ગવર્નર ક્રિસ્ટોફર વોલરે વધુ વ્યાજ દર ઘટાડાને ટેકો આપ્યો હતો, પરંતુ એમ પણ કહ્યું હતું કે નીતિ નિર્માતાઓ સાવધાનીપૂર્વક આગળ વધી શકે છે. યુએસ શ્રમ ડેટામાં વધુ નરમાઈનો સંકેત મળ્યા બાદ તેમની ટિપ્પણી આવી છે.
ANZ માને છે કે આવતા વર્ષના મધ્ય સુધીમાં સોનું $4,600 પ્રતિ ઔંસ સુધી પહોંચી જશે. DSP મેરિલ લિંચ પણ માને છે કે સોનાની તેજી હજુ સુધી સમાપ્ત થઈ નથી.
