Gold Price Today : એક જ અઠવાડિયામાં 3710 રુપિયા મોંઘુ થયું સોનું ! ચાંદીના ભાવમાં પણ મોટો ઉછાળો
એક અઠવાડિયામાં 24 કેરેટ સોનામાં 3,710 રૂપિયાનો વધારો થયો, 13 જૂનેથી દેશમાં સોનાના વાયદા અને હાજર ભાવ બંને ફરી એકવાર 1 લાખ રૂપિયાના આંકને વટાવી ગયો છે. ત્યારે ચાલો જાણીએ આજે કેટલા રુપિયા પર પહોંચ્યું છે સોનું.
અમદાવાદ, સુરત, રાજકોટ અને વડોદરા જેવા મોટો શહેરોમાં આજે 22 કેરેટ સોનાનો છૂટક ભાવ પ્રતિ 10 ગ્રામ 93,250 રૂપિયા છે. 24 કેરેટ સોનાનો ભાવ પ્રતિ 10 ગ્રામ 1,01,730 રૂપિયા છે.
એક અઠવાડિયામાં ચાંદીના ભાવ રૂ. 3000 ઉછળ્યા છે. 15 જૂને, ચાંદી રૂ. 1,10,000 પ્રતિ કિલોગ્રામ પર છે. તાજેતરમાં કેડિયા ફિનકોર્પે એક બોલ્ડ અંદાજ આપ્યો હતો કે જૂનના અંત સુધીમાં ચાંદીના ભાવ રૂ. 1,30,000 પ્રતિ કિલોગ્રામ સુધી પહોંચી શકે છે. આ અંદાજ પાછળ ત્રણ મજબૂત કારણો છે - ચીન દ્વારા દુર્લભ-પૃથ્વી ચુંબકના નિકાસ પર પ્રતિબંધ, ઇલેક્ટ્રિક વાહનો (EVs) માં ચાંદીનો વધતો ઉપયોગ, અને સતત પાંચમા વર્ષે વૈશ્વિક પુરવઠા ખાધ.
વિશ્લેષકો માનીએ તો રુપિયો નબળો પડતા અને પશ્ચિમ એશિયામાં વધતા તણાવને કારણે, રોકાણકારો સોનામાં રોકાણ વધારી રહ્યા છે, જેને સુરક્ષિત સંપત્તિ માનવામાં આવે છે. ઇઝરાયલ-ઈરાન તણાવ વધવાથી વૈશ્વિક તેલ પુરવઠામાં વિક્ષેપ પડવાની ચિંતા વધી છે, ખાસ કરીને હોર્મુઝ સ્ટ્રેટ જેવા મહત્વપૂર્ણ માર્ગો દ્વારા. તેમજ ઇઝરાયલ અને ઈરાન વચ્ચેની પરિસ્થિતિ વધુ વણસી રહી છે, તેની પણ સીધી અસર સોના અને ચાંદી પર પડી રહી છે. તો MCX પર સોનાનો ભાવ પ્રતિ 10 ગ્રામ રૂ. 1.05 લાખ સુધી પહોંચી શકે છે.
ઇઝરાયલે શુક્રવાર, 13 જૂને ઇરાનના પરમાણુ, મિસાઇલ અને લશ્કરી સંકુલ પર હુમલો કરવા માટે 'ઓપરેશન રાઇઝિંગ લાયન' શરૂ કર્યું હતું. આ હુમલામાં ઘણા મુખ્ય ઇરાની લશ્કરી કમાન્ડરો અને પરમાણુ વૈજ્ઞાનિકો માર્યા ગયા હતા. આ પછી, ઇરાને ઇઝરાયલ પર બદલો લેવાના હુમલા શરૂ કર્યા. બંને વચ્ચેનું આ યુદ્ધ શનિવાર-રવિવાર રાત્રે પણ ચાલુ રહ્યું.
વૈશ્વિક ભાવો અંગે, ગોલ્ડમેન સૅક્સે પુનરોચ્ચાર કર્યો છે કે કેન્દ્રીય બેંક દ્વારા માળખાકીય રીતે મજબૂત ખરીદીને કારણે 2025 ના અંત સુધીમાં સોનાના ભાવ $3,700 પ્રતિ ઔંસ અને 2026 ના મધ્ય સુધીમાં $4,000 પ્રતિ ઔંસ સુધી પહોંચી જશે. BofA માને છે કે આગામી 12 મહિનામાં સોનાના ભાવ $4,000 પ્રતિ ઔંસ સુધી પહોંચી જશે. સોનાના અંદાજ વિશે વધુ વાંચો
