Gold Price Prediction: સોનું ખરીદનારાઓ માટે મોટા સમાચાર ! આટલો ઘટી જશે સોનાનો ભાવ, ચાંદીમાં પણ થશે ઘટાડો
સ્થાનિક બજારમાં 24 કેરેટ સોનાના 10 ગ્રામની કિંમત રૂ. 90,000ની આસપાસ ટ્રેડ થઈ રહી છે. જ્યારે વૈશ્વિક બજારમાં તેની કિંમત 3,100 ડોલરથી વધુ છે.
સોનું આજે ઉપર છે કારણ કે બજાર ઘટી રહ્યું છે પરંતુ આ એક ટ્રેપ છે. આગામી દિવસોમાં સોનામાં રૂ. 10,000નો વધુ ઘટાડો થઈ શકે છે.
એ જ રીતે ચાંદીમાં પણ આજનો વધારો એક છટકું છે. આગામી દિવસોમાં ચાંદી 79 હજાર રૂપિયા સુધી ઘટી શકે છે. છેલ્લા ત્રણ દિવસમાં જ તે 1 લાખ 2 હજારથી ઘટીને 86 હજારની નીચી સપાટીએ પહોંચી ગયો છે.
દુનિયામાં વધતી અનિશ્ચિતતાના કારણે લોકો પોતાના પૈસાને સુરક્ષિત રાખવા માટે સોનામાં રોકાણ કરી રહ્યા છે, જેના કારણે તેની કિંમત ઝડપથી વધી રહી છે. આ સાથએ અમેરિકાની નીતિઓ, ડૉલરની વધઘટ અને વધતી મોંઘવારીને કારણે પણ સોનાની માંગ વધી છે. આ સિવાય ઘણા દેશોની સેન્ટ્રલ બેંકો પણ મોટી માત્રામાં સોનું ખરીદી રહી છે, જેના કારણે તેની કિંમત વધુ વધી રહી છે. આ કારણે સોનું હવે તેના રેકોર્ડ સ્તરની નજીક પહોંચી ગયું છે.
ભારતમાં સોનાના ભાવ ઘણા કારણોસર બદલાતા રહે છે, જેમ કે આંતરરાષ્ટ્રીય બજારના ભાવ, સરકારી કર અને રૂપિયાના મૂલ્યમાં વધઘટ. સોનું એ માત્ર રોકાણનું સાધન નથી પરંતુ તે આપણી પરંપરાઓ અને તહેવારોનો પણ એક મહત્વપૂર્ણ ભાગ છે. ખાસ કરીને લગ્ન અને તહેવારોમાં તેની માંગ વધી જાય છે.
