Gold Price Today: સતત બીજા દિવસે ઘટ્યો સોનાનો ભાવ ! જાણો આજે 10 ગ્રામ સોનાની કિંમત
Mar 18, 2025 | 9:11 AM
સોનાના ભાવમાં તાજેતરના જબરદસ્ત વધારા પાછળ ઘણા વૈશ્વિક કારણો છે. તેનું સૌથી મોટું કારણ આંતરરાષ્ટ્રીય બજારમાં સોનાની વધતી માંગ છે. યુએસ મોંઘવારી દરમાં નરમાઈને કારણે રોકાણકારો સોના જેવી સુરક્ષિત સંપત્તિ તરફ ઝુક્યા છે.
આજે 18 માર્ચ મંગળવારે આજે સોનાનો ભાવ સતત બીજા દિવસે ઘટ્યો છે. 10 ગ્રામ સોનાની કિંમતમાં ગઈકાલની સરખામણીએ 100 રૂપિયાનો ઘટાડો થયો છે. દેશના મોટા શહેરોમાં 24 કેરેટ સોનાનો ભાવ 89,700 રૂપિયા અને 22 કેરેટ સોનાનો ભાવ 82,200 રૂપિયાની ઉપર ટ્રેડ થઈ રહી છે. 10 ગ્રામ સોનાની કિંમત ટૂંક સમયમાં 90,000 રૂપિયા સુધી પહોંચી શકે છે.
18 માર્ચ, 2025ના રોજ દિલ્હીમાં 22 કેરેટ સોનાની કિંમત 82,240 રૂપિયા અને 24 કેરેટ સોનાની કિંમત 89,700 રૂપિયા પ્રતિ 10 ગ્રામ છે. જ્યારે મુંબઈમાં 22 કેરેટ સોનું 82,090 રૂપિયા અને 24 કેરેટ સોનું 89,550 રૂપિયા પ્રતિ 10 ગ્રામ પર ટ્રેડ થઈ રહ્યું છે. દેશના અન્ય મોટા શહેરોમાં પણ સોનાના ભાવમાં મામૂલી વધઘટ જોવા મળી હતી.
જ્યારે ગુજરાતના અમદાવાદ, સૂરત , રાજકોટ જેવા શહેરોમાં આજે 24 કેરેટ સોનાનો ભાવ 89,600 રુપિયા પ્રતિ 10 ગ્રામ છે જ્યારે 22 કેરેટ સોનાનો ભાવ 82,140ની આસપાસ ટ્રેડ કરી રહ્યો છે.
15 માર્ચ 2025ના રોજ ચાંદીનો ભાવ 1,03,100 રૂપિયા પ્રતિ કિલો હતો. ચાંદીના ભાવમાં પણ ઉછાળો જોવા મળ્યો હતો.
ભારતમાં સોનાના ભાવ ઘણા કારણોસર બદલાતા રહે છે, જેમ કે આંતરરાષ્ટ્રીય બજારના ભાવ, સરકારી કર અને રૂપિયાના મૂલ્યમાં વધઘટ. સોનું એ માત્ર રોકાણનું સાધન નથી પરંતુ તે આપણી પરંપરાઓ અને તહેવારોનો પણ એક મહત્વપૂર્ણ ભાગ છે. ખાસ કરીને લગ્ન અને તહેવારોમાં તેની માંગ વધી જાય છે.