ભર ઉનાળે ગિરિમથક સાપુતારામાં જામ્યુ ગાઢ ધૂમમ્સ, શિયાળો કે ઉનાળો નક્કી કરવું બન્યું અઘરું
ચાલુ વર્ષે વર્ષે ગિરિમથકનો માહોલ ખુશનુમા જણાઈ રહ્યો છે. ફરી પ્રવાસીઓની અવરજવર વધી છે. આજે સાપુતારા ધુમ્મ્સની ચાદર તળે ઢંકાઈ ગયું છે.
હાલ ગુજરાતમાં અસહ્ય ગરમીના કારણે લોકો ઠંડકમાં રહેવાનું વધુ પસંદ કરી રહ્યા છે. ગરમી વચ્ચે પણડાંગ(Dang) સ્થિત ગિરિમથક સાપુતારા(Saputara)માં ગરમીમાં રાહત સાથે આહલાદક વાતાવરણનો અનુભવ મળતા ગુજરાતના આ પ્રવાસન સ્થળે મોટી સંખ્યામાં પ્રવાસીઓ ઉમટી રહ્યા છે. ચાલુ વર્ષે વર્ષે ગિરિમથકનો માહોલ ખુશનુમા જણાઈ રહ્યો છે. ફરી પ્રવાસીઓની અવરજવર વધી છે. સાપુતારા ધુમ્મ્સની ચાદર તળે ઢંકાઈ ગયું છે.
આજે વહેલી સવારે ગિરિમથકમાં વિઝિબ્લિટીમાં ઘટાડો થયો હતો. ચોમાસાને દસ્તક દેતું વાતાવરણ પ્રવાસીઓનું ધ્યાન ખેંચી રહ્યું હતું.
ગિરિમથકના ડુંગરો ધુમ્મ્સના અર્ધપારદર્શક આવરણ વચ્ચે જાણે સંતાકૂકડીની રમત રમતા હોય તેવા નયન રમ્ય દ્રશ્યો જોવા મળી રહ્યા છે. પ્રવાસીઓ આ વાતાવરણનો આનંદ માણવા વહેલી સવારે વ્યુ પોઇન્ટ તરફ ધસી ગયા હતા.
સાપુતારા સહિત ડાંગના વિવિધ પ્રાકૃતિક સ્થળોએ લોકો પરિવાર અને મિત્રો સાથે રજાની મજા માણવા આવી રહ્યા છે.વાતાવરણમાં ઠંડકના અનુભવ સાથે આકર્ષણનું કેન્દ્ર બનેલા દ્રશ્યોએ પ્રવાસનો આનંદ બેવડાવી દીધો હતો.
ગુજરાતમાં સરેરાશ ૪૦ ડિગ્રી કરતા વધુ તાપમાન રહે છે. ગરમીમાં ઘરની બહાર નીકળવું મુશ્કેલ બને છે. સાપુતારામાં 22 ડિગ્રી સુધી લઘુત્તમ તાપમાન નોંધાઈ રહ્યું છે
વિઝિબ્લિટીમાં ઘટાડાએ ચિતા પણ સર્જી હતી. નજીકના અંતરે પણ જોવું મુશ્કેલ બનતા પ્રવાસીઓએ અવર - જવર માટે વાહનો કરતા પગપાળા ફરવાનું વધુ પસંદ કર્યું હતું .
વહેલી સવારે સર્જાયેલ ગાઢ ધુમ્મ્સ સૂર્યનારાયણની વધી હાજરી સાથે ઓરસવા લાગ્યું હતું.જોકે પ્રવાસીઓએ ડુંગરોનો આ નજારો હમેશા યાદ રહેવાની વાત કરી હતી.
Published On - 8:54 am, Thu, 26 May 22