Gandhinagar: આજથી શરૂ થશે MLA ક્રિકેટ લીગ 2022-23, CM ભૂપેન્દ્ર પણ ક્રિકેટ રમતા જોવા મળશે
Gandhinagar News : સ્વર્ણિમ ગુજરાત MLA ક્રિકેટ લીગ 2022-23નું ટાઈમ ટેબલ જાહેર કરાયું છે. જેમાં ધારાસભ્યો અને મીડિયા મિત્રો મળીને 10 ટીમ ટૂર્નામેન્ટ રમશે.
સ્વર્ણિમ ગુજરાત MLA ક્રિકેટ લીગ 2022-23નું ટાઈમ ટેબલ જાહેર કરાયું છે. જેમાં ધારાસભ્યો અને મીડિયા મિત્રો મળીને 10 ટીમ ટૂર્નામેન્ટ રમશે.
તારીખ 20, 27 અને 28 માર્ચ દરમિયાન આ ક્રિકેટનું આયોજન કરવામાં આવ્યું છે. વિરમગામના ધારાસભ્યને કેપ્ટન બનાવવામાં આવ્યા છે. ધારાસભ્યોની ક્રિકેટ ટૂર્નામેન્ટમાં કુલ 10 ટીમ રમશે. સાબરમતી ટીમમાં મુખ્યમંત્રી ભૂપેન્દ્ર પટેલ રમતા જોવા મળશે.
મેચમાં સાબરમતી, નર્મદા, સરસ્વતી, તાપી, વિશ્વામિત્રી, મહીસાગર, બનાસ, ભાદર અને મીડિયા ટીમો રમશે. ખાસ વાત છે કે વિરમગામના ભાજપના ધારાસભ્ય હાર્દિક પટેલને નર્મદાની ટીમના કેપ્ટન બનાવાયા છે.
જ્યારે ગાંધીનગર દક્ષિણથી ધારાસભ્ય અલ્પેશ ઠાકોરને સાબરમતી ટીમના કેપ્ટન બનાવાયા છે. આ મેચ 20 ઓવરની રહેશે, જેનો પ્રથમ રાઉન્ડ 20-03-2023ના દિવસે એટલે કે આજથી શરૂ થશે. એમાં બનાસની સામે વિશ્વામિત્રી ઊતરશે.
આ મેચનું આયોજન કોબા ખાતે આવેલા એક ખાનગી ક્રિકેટ સ્ટેડિયમમાં થશે. તો હર્ષ સંઘવી હાર્દિક પટેલની ટીમમાં રમતા જોવા મળશે.
આ મેચ આજે સાંજે 7 વાગ્યે રમાશે. ત્યાર બાદ સાડાઆઠ વાગ્યે તાપીની સામે ભાદર ઊતરશે. સરસ્વતીની સામે શેત્રુંજી 10 વાગ્યે ઊતરશે.
Published On - 4:18 pm, Mon, 20 March 23