UPSC Success Story: ઇજનેરથી IAS બનેલા આશુતોષ કુલકર્ણી પાસેથી જાણો UPSC ઇન્ટર્વ્યુ ક્રેક કરવાની ટિપ્સ
UPSC Success Story: IAS ઓફિસર આશુતોષ કુલકર્ણી (IAS Topper Ashutosh Kulkarni) કહે છે કે UPSCમાં સફળતા મેળવવા માટે પહેલા તમારી જાતને માનસિક રીતે તૈયાર કરો.
આખરે આશુતોષની પાંચ વર્ષની મહેનત અને ધૈર્ય ફળ્યું અને વર્ષ 2019માં ચોથા પ્રયાસમાં તેને ટોપર્સની યાદીમાં સ્થાન મળ્યું. ઇન્ટરવ્યુના 'ચક્રવ્યુહ'ને તોડીને તેણે પોતાનું સપનું પૂરું કર્યું.
આશુતોષ કહે છે કે UPSCમાં સફળતા મેળવવા માટે પહેલા તમારી જાતને માનસિક રીતે તૈયાર કરો. પડકારો અને નિષ્ફળતાઓ સામે હાર ન માનવાનો સંકલ્પ કરો. આશુતોષ જ્યારે પણ ઈન્ટરવ્યુમાં નિષ્ફળ ગયો ત્યારે તેની ભૂલોનું વિશ્લેષણ કરતો. આ પછી, તેને સુધારીને હકારાત્મક વલણ સાથે આગળ વધતો.
આશુતોષના જણાવ્યા અનુસાર, UPSC ની તૈયારી કરતી વખતે તમારે પ્રી અને મેન્સ માટે તમારી પોતાની અલગ વ્યૂહરચના બનાવવી પડશે. તમારે બંને પરીક્ષાઓ માટે એકસાથે તૈયારી કરવી જોઈએ, કારણ કે પ્રિલિમ્સ પછી, તમને મેઇન્સ માટે વધુ સમય મળતો નથી. તેઓ કહે છે કે તમારી તૈયારીનું પણ વિશ્લેષણ કરતા રહો, જેથી તમને આગામી પ્રયાસમાં વધુ સારું કરવાનો મોકો મળશે.
