Knowledge: પશ્ચિમના દેશોમાં માત્ર એક જ વાર ઉજવવામાં આવે છે નવું વર્ષ, ભારતમાં તો ઘણી વખત આવે છે નવું વર્ષ…કરી લો ગણતરી
દેશના મોટા ભાગના રાજ્યોમાં હિન્દુ નવા વર્ષની ઉજવણી કરવામાં આવે છે. પંજાબ, હિમાચલ પ્રદેશ, ઉત્તરાખંડ, હરિયાણા, બિહાર-ઝારખંડના ભાગો, ઓડિશા, બંગાળ, પૂર્વોત્તર ભારત, કેરળ, તમિલનાડુ જેવા રાજ્યોમાં આ વખતે નવું વર્ષ 13, 14, 15 એપ્રિલે ઉજવવામાં આવ્યું હતું.
પશ્ચિમ બંગાળમાં પણ પોહિલા વૈશાખ (Pohela Boishakh) સાથે નવું વર્ષ ઉજવવામાં આવે છે. ચૈત્ર મહિનો પૂરો થતાં જ એટલે કે બંગાળી નવું વર્ષ બૈશાખમાં આવે છે. વૈશાખ મહિનાના પ્રથમ દિવસને બંગાળમાં પોહિલા વૈશાખ પણ કહેવામાં આવે છે. વૈશાખ માસનો પ્રથમ દિવસ છે. આ દરમિયાન બંગાળીઓ એકબીજાને નવા વર્ષની શુભેચ્છા પાઠવે છે.
મહારાષ્ટ્રમાં નવા વર્ષની શરૂઆત ગુડી પડવાથી (Gudi Padwa) થાય છે. 'ગુડી'નો અર્થ 'વિજયનું ચિહ્ન' છે. હિંદુ નવા વર્ષની જેમ, તે પણ ચૈત્ર પ્રતિપદા એટલે કે ચૈત્ર મહિનાની પ્રથમ તિથિએ ઉજવે છે. તેને મરાઠી 'પડવો' પણ કહેવામાં આવે છે.
દક્ષિણ ભારતના કેટલાક રાજ્યો, આંધ્રપ્રદેશ, કર્ણાટક, તેલંગાણા વગેરેમાં ઉગાડી (Ugadi)તહેવાર ધામધૂમથી ઉજવવામાં આવે છે. ખેડૂતો પણ તેને નવા પાકના આગમનની ખુશી તરીકે ઉજવે છે. પારસી નવા વર્ષની વાત કરીએ તો તેની શરૂઆત ઓગસ્ટમાં જમશેદી નવરોઝથી (Jamshedi Navroz) થાય છે. પર્શિયાના રાજા જમશેદે પારસી કેલેન્ડરની શરૂઆત કરી. આ રીતે ભારતમાં નવું વર્ષ ઉજવવામાં આવે છે.
