SMSની શરૂઆત કેવી રીતે થઈ ? જાણો શું લખ્યું હતું પહેલા મેસેજમાં
વિશ્વમાં સૌપ્રથમ વખત SMS (શોર્ટ મેસેજ સર્વિસ) ક્યારે મોકલવામાં આવ્યો હતો ? મોટાભાગના લોકોને ખબર નહીં હોય. ત્યારે આ લેખમાં આજે અમે તમને SMSની શરૂઆત કેવી રીતે થઈ, કોણે અને કોને મોકલ્યો હતો પ્રથમ મેસેજ અને તેમાં શું લખ્યું હતું, તેના વિશે જાણીશું.
વિશ્વમાં સૌપ્રથમ વખત SMS (શોર્ટ મેસેજ સર્વિસ) ક્યારે મોકલવામાં આવ્યો હતો ? મોટાભાગના લોકોને ખબર નહીં હોય. ત્યારે આ લેખમાં તેના વિશે જાણીશું.
3 ડિસેમ્બર, 1992ના રોજ ઇતિહાસમાં પ્રથમ SMS (શોર્ટ મેસેજ સર્વિસ) મોકલવામાં આવ્યો હતો. આ સાથે SMSની શરૂઆત થઈ હતી.
આ મેસેજ 22 વર્ષીય બ્રિટિશ સોફ્ટવેર આર્કિટેક્ટ, ડિઝાઇનર અને ડેવલપર નીલ પેપવર્થે વોડાફોન નેટવર્ક દ્વારા તેના સાથીદાર રિચર્ડ જાર્વિસના મોબાઈલ ફોન પર મોકલ્યો હતો.
નીલ પેપવર્થે પોતાના SMSમાં લખ્યું હતું - 'મેરી ક્રિસમસ'. નીલ પેપવર્થે આ મેસેજ પર્સનલ કોમ્પ્યુટર દ્વારા મોકલ્યો હતો. નીલ પેપવર્થ દ્વારા મોકલવામાં આવેલ મેસેજ આજે એક મોટી ડિજિટલ ક્રાંતિનો ભાગ બની ગયો છે.
નીલ પેપવર્થ યુએસ સ્થિત એંગ્લો-ફ્રેન્ચ આઇટી સર્વિસ કંપની સેમા ગ્રુપ ટેલિકોમ માટે કામ કરતા હતા અને વોડાફોન યુકે માટે "શોર્ટ મેસેજ સર્વિસ સેન્ટર" (SMSC) વિકસાવતી ટીમનો ભાગ હતા. (Image - Freepik)