Lionel Messi : વર્લ્ડ કપમાં લિયોનેલ મેસ્સીની ઐતિહાસિક સિદ્ધિ, આવું કરનાર વિશ્વનો એકમાત્ર ખેલાડી
આર્જેન્ટીનાનો કેપ્ટન લિયોનેલ મેસ્સીએ ફીફા વર્લ્ડકપમાં વધુ એક રેકોર્ડ પોતાને નામ કર્યો છે. તેમણે આ વખતે એવું કારનામું કર્યું છે. જે વર્લ્ડકપના ઈતિહાસમાં અત્યારસુધી કોઈએ કર્યું નથી.
ફીફા વર્લ્ડકપ 2026માં ગ્રુપ સ્ટેજની છેલ્લી મેચમાં આર્જિન્ટીનાનો મહાન કેપ્ટન લિયોનેલ મેસ્સીએ એક એવું કારનામું કર્યું છે. જોર્ડન વિરુદ્ધ રમાયેલી મેચમાં ગોલ કરવાની સાથે જ મેસ્સીએ એક નવો રેકોર્ડ બનાવ્યો છે. આ મેચમાં આર્જેન્ટીનાએ 3-1થી જીત મેળવી હતી.
મેચમાં આર્જેન્ટીના પહેલા જ ગ્રુપ જેની વિજેતા થઈ ચૂક્યું હતુ. આ માટે મેસ્સીને શરુઆતની ઈલેવનમાં સ્થાન મળ્યું ન હતુ.
મેસ્સી 60મી મિનેટમાં મેદાન પર ઉતરી ઈતિહાસ રચ્યો હતો.
લિયોનલ મેસ્સી રમતની 80મી મિનિટમાં ફ્રી-કિક દ્વારા ગોલ કર્યો હતો. આ સાથે તે વર્લ્ડકપના ઈતિહાસમાં સતત સાત મેચમાં ગોલ કરનાર દુનિયાનો પહેલો ફુટબોલર બન્યો હતો.
લિયોનલ મેસ્સીએ ફીફા વર્લ્ડકપ 2026ની 3 ગ્રુપ મેચમાં ગોલ કર્યા છે. આ પહેલા 2022 વર્લ્ડકપના ગ્રુપ-16 ક્વાર્ટર ફાઈનલ,સેમિફાઈનલ અને ફાઈનલમાં ગોલ કર્યો હતો.
ફીફા વર્લ્ડકપના ઈતિહાસમાં લિયોનેલ મેસ્સીએ અત્યારસુધી કુલ 19 ગોલ કર્યા છે. જે સૌથી વધારે છે. હાલની સીઝનમાં તે 6 ગોલ સાથે સૌથી આગળ ચાલી રહ્યો છે. ( All PHOTO CREDIT- PTI)
